Éxodo 32:5 - Bible in Tzeltal Bachajón

⁵ C'alal hich la yil te Aarón, la spas scajtajib ta chiq'uel mahtanil ta stojol te jcolel toro, soc tulan la yal ta aw: ¡Pajel ay me q'uin yu'un Jehová! xchi.

Bible in Tzeltal de Oxchuc y Tenejapa

⁵ C'alal la yil te Aarón, la spasbey scajtijib ta chiq'uel milbil smajt'an te sloc'ombail alal toro. Jich la yal ta aw te Aarón: —¡Pajel ya jpasbeytic sq'uin swenta yich'jibal ta muc' te Cajwaltique! —xi'.

Éxodo 32:5 Referans Kwoze

2 Reyes 10:20

Patil la yal te Jehú: Ch'ultesahic jun c'ahc'al scuenta q'uin yu'un Baal, xchi. Hich la spasic.

Levítico 23:37

Ha te q'uinetic yu'un Jehová ini te yac apuquic ta halel te ha ch'ul tsoblejetic awu'unic yu'un yac awa'beyic chic'bil mahtanil te Jehová, ha te scohtol chic'bil mahtanil, mahtanil harina, milbil mahtanil soc malbil mahtaniletic, te jujuchahp ta mero yorahil;

Levítico 23:2

Halbeya te snich'nab Israel: Te q'uinetic yu'un Jehová, te yac apuquic ta halel te ha ch'ul tsoblejetic, hich ayic:

1 Corintios 5:8

Ha yu'un ac'a jpastic te q'uin, ma ha'uc soc te poco' levadura, ha te levadura yu'un te bin chopol soc te bin mulil, ac'a jpastic te q'uin soc te pan te ma ba yich'oj levadura, ha te ich'bil scuentahil soc smelelil.

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Oseas 8:11

Como te Efraín la spas bayel scajtajib ta chiq'uel mahtaniletic scuenta slehel mulil a, ha nax tuhun yu'unic scuenta slehel mulil.

2 Crónicas 30:5

Soc la snopic te ya yich' puhquel ta halel ta spisil Israel, c'alal Beerseba ha to ta Dan, te yacuc xtalic ta Jerusalén ta spasel te Q'uin Pascua yu'un Jehová te Dios yu'un Israel; como bayelix ha'bil te ma ba la yich' pasel te q'uin hich te bin ut'il ts'ihbabil hilel.

2 Reyes 16:11

Te Urías la spas te scajtajib ta chiq'uel mahtanil, hich te bin ut'il ticombil tal yu'un te ajwalil Acaz ta Damasco. Hich la spas te sacerdote Urías te c'alal ma to ba talem ta Damasco a te Acaz.

1 Reyes 21:9

Hich la yal te cartahetic te la sts'ihbay: Halahic te ya me yich' comel we'elil, soc huhcanahic te Nabot ta stojol te pueblo.

1 Samuel 14:35

Te Saúl la spasbe scajtajib ta chiq'uel mahtanil yu'un te Jehová. Ha sbabeyal buelta a te hich la spase.

Levítico 23:21

Ha nix ta sc'ahc'alel a ya me apasic ch'ul tsoblej, ma me xapas awa'telic a. Ha mandaril te ma xlaj sc'oblal ta cajalcaj ats'umbalic ta bayuc te ya xnahinex.

Levítico 23:4

Hich ay te q'uinetic yu'un Jehová, ha te ch'ul tsoblejetic te yac apasic ta mero yorahil:

Éxodo 32:4

La yich'ticlan te bin a'bot yu'unic, la spas ta cincel ta sloc'omba jcolel toro ta uhltesbil oro. Ha yu'un la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchihic.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 10:9

La sjac' te Moisés: Ya xbohotcotic soc te alaletic, me'el-mamaletic soc ach'ix-queremetic cu'uncotic, soc te tuminchijetic, tentsunetic soc wacaxetic cu'uncotic, yu'un ha q'uin cu'uncotic ta stojol Jehová, xchi.

Éxodo 32:6

Ha yu'un ta schebal c'ahc'al hahchic ta sab, la yaq'uic scohtol chic'bil mahtaniletic soc mahtaniletic scuenta lamal q'uinal. Te pueblo la shuhcan sbahic ta we'el uch'el, patil hahchic ta spasel q'uin.

Éxodo 17:15

Te Moisés la spasbe scajtajib smahtan Dios, la ya'be sbihilin: Jehová-nisi,