Éxodo 32:30 - Bible in Tzeltal Bachajón

³⁰ Ta schebal c'ahc'al te Moisés hich la yalbe te pueblo: Te ha'ex la atahic muc'ul mulil, pero ya xmohonix bahel ta stojol Jehová; ya wan xhu' ya jc'ambe perdón yu'un te amulique, xchi.

Bible in Tzeltal de Oxchuc y Tenejapa

³⁰ Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

Éxodo 32:30 Referans Kwoze

1 Samuel 12:20

Pero te Samuel la yalbe te pueblo: Ma xiwex. Melel nix a te apasojic spisil te bin chopol ini, pero ma me xawihquitayic st'unel te Jehová, ac'a abahic ta a'batinel yu'un soc spisil awo'tanic.

Números 25:13

Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

2 Reyes 17:21

Te c'alal Jehová la sloq'ues te Israel ta sna David soc te la yotsesic ta ajwalil te Jeroboam snich'an Nabat, te Jeroboam la yac' te Israel la yihquitayic hilel st'unel te Jehová, la ya'be spas muc'ul mulil.

2 Samuel 16:12

Ya wan yilbon jwocol te Jehová soc ya ya'bon bendición ta scaj te bohlc'optayel yu'une, xchi.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

Números 16:47

Hich te Aarón la spas te bin halbot yu'un te Moisés. La yich' tal te schic'ojibal pom, ahnimal baht ta yohlil te pueblo; hahchemix a te jmilawal-chamel. La ya'be pom, la spas te stojel mulil yu'un te pueblo.

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Romanos 9:3

yu'un co'tanuc te ya xbohlob jc'oblal soc te pihtesbilon yu'un Cristo ta scaj te c'ux ta co'tan te quermanotac, ha te jmohlol-ts'ahquil ta scuenta ch'ich'-baq'uet;

San Lucas 15:18

Ya suhton bahel ta stojol jtat, hich ya xc'oht calbe: Jtat, jtahoj jmul ta stojol ch'ulchan soc ta atojol.

San Lucas 7:47

Ha yu'un ya calbat te pasbotix perdón yu'un bayel smul, como bayel sc'uxul yo'tan. Yan te mach'a mayuc bayel smul ya yich' pasbeyel perdón yu'un, mayuc bayel sc'uxul yo'tan, xchi.

1 Samuel 2:17

Ha yu'un te smul te winiquetic ini mero muc' c'oht ta stojol Jehová, como mayuc scuentahil ta yo'tanic te mahtaniletic yu'un Jehová.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

2 Samuel 12:9

¿Bin yu'un te mayuc sc'oblal ta awo'tan te sc'op te Jehová te la apas te bin chopol ta stojol? La awac' ta milel ta espada te Urías te heteo-winic soc la awic'be te yihname. La awac' ta milel ta scuenta te espada yu'un te amonetique.

Éxodo 32:29

Ha yu'un la yal te Moisés: Yo'tic ch'ultesbil c'ohex ta stojol Jehová, yu'un jujutuhl la scontrahin te snich'an soc te yermano, scuenta yu'un yo'tic ya ya'beyex bendición te Jehová, xchi.

Salmos 99:6

Te Moisés soc Aarón ayic ta yohlil te sacerdotehetic yu'un, te Samuel ha jtuhl ta yohlil te mach'atic la sc'oponic; la sc'oponic te Jehová, jac'bot sc'opic yu'un.

1 Samuel 12:17

¿Ma bal ha'uc yorahil boj trigo? Ya jc'opon te Jehová, ya me yac' talel chahwuc soc ha'al, scuenta yu'un hich yac ana'ic soc hich yac awilic a te c'ax bayel schopolil bin la apasic ta stojol Jehová yu'un te la ac'anic ajwalil awu'unic, xchi te Samuel.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.