Éxodo 32:25 - Bible in Tzeltal Bachajón

²⁵ Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

Bible in Tzeltal de Oxchuc y Tenejapa

²⁵ Te Moisés la yil ta lec te yac ta jowejel yo'tanic te lume, yu'un te Aarón ma la yaiy comaw. Jich la yac' sbaic ta labanel yu'un te scontroique.

Éxodo 32:25 Referans Kwoze

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

Miqueas 1:11

¡C'axan bahel, ha'at te nahinemat ta Safir, watalat soc q'uexlal! ¡Ma ba ya xloc' tal te mach'a nahinem ta Zaanán! ¡Ay oq'uel ta Bet-esel! Ya yich' loq'uesel te coltayel awu'unic.

Romanos 6:21

Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

Oseas 2:3

Teme ma'uque, ya jwahtan, hich watal ya xhil cu'un te bin ut'il te c'alal ayine; hich ya cac' te bin ut'il jochol taquin q'uinal, ya jc'atp'un ta taquin q'uinal, soc ya jmil ta taquinti'il.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

2 Crónicas 28:19

Como te Jehová la spehc'anix te Judá ta scaj te Acaz ajwalil yu'un Israel, como ma ba la scom ta spasel ta Judá te bin chopol, bayel stahoj smul ta stojol te Jehová.

Deuteronomio 9:20

Soc bayel ilin Jehová ta stojol Aarón, ya c'an slajin ta jyahlel. Ha nix hich la jc'opombe Dios yu'un te Aarón ta hich ora.

Génesis 3:10

La sjac' te winic: La jca'iy yacat ta c'axel ta yohlil te ts'umbil q'uinal, tal xiwel ta co'tan yu'un mayuc jc'u' jpac', ha yu'un la jnac' jba, xchi.

Éxodo 32:26

hich la stehc'an sba ta yochibal te campamento soc la yal: Te mach'a jun yo'tan ta stojol Jehová, la'ic ta jtojol, xchi. Spisil te snich'nab Leví la stsob sbahic ta stojol.

1 Reyes 12:28

Te c'alal la ya'iybe sc'op te j'ac'-o'taniletic, la spas cheb jcolel torohetic ta oro, soc hich la yalbe te pueblo: Tic'aniquix a te ya xmohex bahel ta Jerusalén. Li' ay te diosetic awu'unic, Israel, te la sloq'uesex tal ta sq'uinal Egipto, xchi.

1 Reyes 14:16

Ya me yihquitay hilel Israel ta scaj smul te Jeroboam, te la sta smul soc te la ya'be sta smul te Israel, xchi.

Proverbios 29:18

Te banti mayuc jal-c'op, ma ba ya scom sba te pueblo; pero bayel yutsil te mach'a ya sch'uhun spasel te Ley.

Jeremías 5:5

Ya xbaht jc'opon te mach'atic muc' sc'oblalic, como ya sna'ic te be yu'un Jehová, te bin ya sc'an te Dios yu'unique, xchihon. ¡Pero ha'ic nix la swuyic te yugo, la stuch'ticlanic te schucojbilique!