Éxodo 32:22 - Bible in Tzeltal Bachajón

²² La sjac' te Aarón: Ma x'ilinat, cajwal. Yac ana'be sba te pueblo te hich yo'tanic te ya spasic te bin chopol.

Bible in Tzeltal de Oxchuc y Tenejapa

²² Te Aarón la sjac': —Cajwal cu'un, ma x'ilinat ta jtojol. Te ja'ate ya me ana'bey ta lec yo'tanic te lum, te ya smulanic spasel te bila ma lecuque.

Éxodo 32:22 Referans Kwoze

Deuteronomio 9:24

Mero toyol awac'oj abahic ta stojol Jehová yalel te c'alal la jna'beyex abahique.

1 Samuel 15:24

Te Saúl la yalbe te Samuel: La jta jmul, como la jc'axuntaybe smandar te Jehová soc te ac'ope, ta scaj te la jxi' te pueblo soc la jquich'be ta cuenta te sc'opique.

Éxodo 16:20

Pero ma ba la sch'uhunic te bin la yal te Moisés; ay mach'atic la yihquitayic hilel yu'un yan c'ahc'al; pero tohc schanul soc tuhub. Hich ilin yu'un te Moisés ta stojolic.

Éxodo 15:24

Te pueblo hahch stijic ta c'op te Moisés, hich la yalbeyic: ¿Bin ya cuch'tiquix a? la yutic.

Éxodo 14:11

La yalbeyic te Moisés: ¿Yu'un bal mayuc muquenaletic ta Egipto te la aloq'uesotcotic tal yu'un ya xlajotcotic ta jochol taquin q'uinal? ¿Bin yu'un hich la apasbotcotic te la aloq'uesotcotic tal ta Egipto?

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Salmos 36:4

Ta swayib ya snopilan te bin chopol; ay ta banti ma lequil behuc, ma ba ya sp'aj te bin chopole.

Deuteronomio 31:27

Como ya jna'bat atoybahil soc te tulan yac awac' aba. Teme yac atoy abahic ta stojol Jehová te cuxulon to ta awohlilic, ¿ha'uc to balix a te c'alal chamenonix ahe?

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

Éxodo 16:28

Te Jehová hich la yalbe te Moisés: ¿Bin to ora yac ach'uhumbonic te mandariletic cu'un?

Génesis 44:18

Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

Éxodo 32:21

Te Moisés la yalbe te Aarón: ¿Bin la spasbat te pueblo ini te la awa'be stahic te muc'ul mulil ini? la yut.

1 Samuel 15:15

La sjac' te Saúl: La yiq'uic tal ta Amalec, como te soldadohetic cuxul hil yu'unic te mero t'ujbil tuminchijetic soc wacaxetic scuenta yu'un ya ya'beyic chic'bil smahtan Jehová te Dios awu'une; pero spisil te yantic jc'axel la jlajincotic stuquel, xchi.

1 Samuel 15:21

Pero te soldadohetic la yiq'uic tal tuminchijetic, wacaxetic, spisil te bintic t'ujbilic te sc'oblal jc'axel ya yich'ic lajinel, scuenta yu'un ya ya'beyic ta milbil smahtan Jehová te Dios awu'un ta Gilgal, xchi.

Éxodo 32:1

Te c'alal la yilic te pueblo te ma ba co tal ta wits ta ora te Moisés, bahtic ta stojol Aarón soc hich la yalbeyic: Hahchan, pasbotcotic diosetic te ya xnahilij bahel cu'untic, como te Moisés, te winic te la sloq'uesotic tal ta Egipto, ma jna'tic bin la spas, xchihic.