Éxodo 32:10 - Bible in Tzeltal Bachajón

¹⁰ Ha yu'un ihquitayawon yu'un ya cac' tihluc hahchel quilimba ta stojolic, ya jlajinlan. Yan te ha'ate muc'ul nación ya xc'ohat cu'un, xchi.

Bible in Tzeltal de Oxchuc y Tenejapa

¹⁰ Ora yo'tic ma me bila ya awal, melel mero ilinemon ta stojolic, jich yu'un ya xba jtup' ta jc'axel. Yan te ja'ate muc'ul lum ya cac' xc'oat —xi'.

Éxodo 32:10 Referans Kwoze

Deuteronomio 9:14

Ma me xacomon te ya jlajinlan soc te ya jtup'be sbihilic ta ye'tal ch'ulchan. Yan te ha'ate ya cac' te muc'ul nación ya xc'ohat te c'ax hich yip soc te c'ax hich yipalic a te bin ut'il te pueblo ini, xchi.

Números 14:12

Ya quehchenteslan ta jmilawal-chamel soc ya jlajinlan; yan te ha'ate jun nación ya xc'ohat cu'un te c'ax hich smuc'ul soc c'ax hich yip a, xchi.

Deuteronomio 9:19

Como la jxi'be te yilimba soc sc'ahc'al yo'tan te Jehová ta atojolic te ya c'an slajinex ta jc'axel a. Pero te Jehová la ya'iybon xan te jc'ope.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Éxodo 32:19

Te c'alal c'oht ta campamento te Moisés soc la yil te jcolel toro soc te ahc'ot, mero ilin yu'un, la sch'oj cohel te cha'pehch ton ay ta sc'ab, la swuy ta ye'tal wits.

Éxodo 32:11

Ha yu'un te Moisés c'opoj ta stojol Jehová te Dios yu'un, hich la yalbe: Ay, Jehová, ¿bin yu'un te ya x'ilinat ta stojol te pueblo awu'un te la aloq'ues tal ta sq'uinal Egipto ta scuenta smuc'ul awu'el soc ta yip ac'ab?

Éxodo 22:24

ya me xtihl te quilimba, ya jmilex ta espada soc ya xhil ta me'ba' te awihnamic soc anich'nabique.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 14:11

Hich la yalbon te Jehová: Ma me xac'oponon yu'un te lecuc ya xc'oht te pueblo ini.

Éxodo 33:3

Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Números 16:21

Loc'anic bahel ta yohlil te pueblo ini, yu'un ya jlajinlan ta ora, xchi.

Salmos 106:23

Ha yu'un la yal te Dios te ya slajinlan te manchuc tehc'aj yu'unic ta stojol Dios te Moisés, te tsahbil yu'un, scuenta yu'un ma ba ya xlajinotic yu'un te yilimbahe.

Jeremías 7:16

Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

Jeremías 11:14

Ha yu'un ha'at Jeremías, ma me xac'opombe Dios yu'un te pueblo ini, ma me x'awonat ta scuentahic o ma me xac'opombe Dios ta stojolic, como ma ba ya ca'iy te bin ora ya yawtayon yu'un te swocolique.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.