Éxodo 31:16 - Bible in Tzeltal Bachajón

¹⁶ Ha yu'un te snich'nab Israel ya me scanantayic te sc'ahc'alel cux-o'tan, ya me spasic ta cajalcaj sts'umbalic scuenta chapbil-c'op te stalel ya xhil.

Bible in Tzeltal de Oxchuc y Tenejapa

¹⁶ Ja' yu'un ja'ex te israelexe ya me awich'ic ta muc'. Ya me ac'ajtes abaic ta scanantayel, melel ja' trato la cac'beyex ta swenta cajalcaj bael te awal-anich'anique.

Éxodo 31:16 Referans Kwoze

Jeremías 50:5

Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

Génesis 17:11

Yac ajoybe loq'uel ta bojel te snuhculel sjol sc'unilic, ha seña ya xc'oht yu'un te chapbil-c'op cu'untic.

Génesis 9:13

Cac'oj ta tocal te xojob cu'un, ha seña ya xc'oht yu'un te jc'op la jchap soc te bahlumilale.

Éxodo 31:15

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan te ch'ultesbil yu'un Jehová. Mach'ayuc a te ya x'a'tej ta sc'ahc'alel cux-o'tan ya me xlaj.

Éxodo 31:17

Sbahtel q'uinal ha me seña ta jtojol soc ta stojol te snich'nab Israel, como ta waqueb c'ahc'al te Jehová la spas ch'ulchan soc bahlumilal, soc ta shuquebal c'ahc'al la squehchan ya'tel soc la scux yo'tan, xchi.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,

Nehemías 13:15

Ta hich ora la jquil ta Judá te ay mach'atic ya sp'e' ta yoquic sts'usubic ta sc'ahc'alel cux-o'tan, ya scuchic tombil trigohetic, ya ya'beyic scuch vino, ts'usubetic, higohetic soc spisil yantic ihcatsiletic te burrohetic yu'unic, ya yich'ic bahel ta Jerusalén ta sc'ahc'alel cux-o'tan. Ha yu'un la jtijticlan ta c'op yu'un te yacalic ta chombajel ta c'ahc'al ini.