Éxodo 31:13 - Bible in Tzeltal Bachajón

¹³ Ya me awalbe te snich'nab Israel: Ta mero melel ya me acanantayic te c'ahc'aletic yu'un cux-o'tan cu'un, como ha seña ya xc'oht ta jtojol soc ta atojolic soc te cajalcaj ats'umbalic, scuenta yu'un ya me ana'ic te ho'on Jehovahon te ya jch'ultesex.

Bible in Tzeltal de Oxchuc y Tenejapa

¹³ —C'opona te alumal israeletic, jich ya awalbey: “Jich la yal te Cajwaltique: ‘Te ja'ex ya me awich'bonic ta muc' te jayeb c'aal swenta cux-o'tan cu'un. Te ja'ex soc te jo'one ja' me señail ya xc'ot cu'untic ta swenta cajalcaj bael te awal-anich'nabique. Jich me ay ta na'el stojol te jo'on Ajwalilon te la jtsaexe.

Éxodo 31:13 Referans Kwoze

Ezequiel 20:20

Ch'ultesahic te sc'ahc'alel cux-o'tan cu'un, scuenta yu'un ha seña ya xc'oht ta jtojol soc ta atojolic, scuenta yu'un yac ana'ic te ho'on Jehovahon, Dioson awu'unic, xchihon.

Ezequiel 20:12

Soc la jca'be te sc'ahc'alel cux-o'tan cu'un scuenta seña ya xc'oht ta jtojol soc ta stojolic, scuenta yu'un ya sna'ic te ho'on Jehovahon ya jch'ultesic.

Levítico 19:30

Canantayahic te sc'ahc'alel cux-o'tan cu'une, soc bayeluc me sc'oblal ta awo'tanic te ch'ul templo cu'une. Ho'on, Jehovahon.

1 Tesalonicenses 5:23

Te Dios yu'un lamal q'uinal ts'acal ac'a sch'ultesex; soc ac'a yich' canantayel spisil acuxlejalic, ha te espíritu awu'unic, ach'uhlelic soc abaq'uetalic, te mayuc amulic a te c'alal ya xtal te Cajwaltic Jesucristo.

Levítico 20:8

Pasahic te bintic chapal cu'un, a'telinahic me spasel. Ho'on, Jehovahon, te ya jch'ultesex.

Éxodo 31:17

Sbahtel q'uinal ha me seña ta jtojol soc ta stojol te snich'nab Israel, como ta waqueb c'ahc'al te Jehová la spas ch'ulchan soc bahlumilal, soc ta shuquebal c'ahc'al la squehchan ya'tel soc la scux yo'tan, xchi.

San Juan 17:17

Ch'ulteslana ta scuenta te smelelil c'op; ha smelelil c'op te ac'ope.

Levítico 19:3

Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

Ezequiel 44:24

Ta banti ay pleito, hich me ya schahpanic te bin ut'il ya yal te mandariletic cu'une. Ya me sch'uhunic spasel te mandariletic soc te halbil mandariletic cu'un yu'un spisil te q'uinetic cu'un, soc ya me yich'ic ta muc' te c'ahc'aletic yu'un cux-o'tan cu'une.

Ezequiel 37:28

Ya me sna'ic te nacionetic te ho'on Jehovahon ya jch'ultes te Israel, como sbahtel q'uinal ay ta yohlilic te ch'ul awilal cu'une, xchi te Jehová.

Nehemías 9:14

La awa'be scanantayic te ch'ultesbil sc'ahc'alel cux-o'tan awu'un, soc ta scuenta Moisés te a'bat awu'un, la awac'ticlambe mandariletic, chapbil mandariletic soc te Ley.

Levítico 26:2

Canantayahic te sc'ahc'alel cux-o'tan cu'un, soc ich'ahic ta muc' te ch'ul awilal cu'une. Ho'on, Jehovahon.

Levítico 23:3

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Levítico 25:2

Halbeya te snich'nab Israel: Te c'alal ochemexix ta q'uinal a te ya ca'beyex, ya me scux yo'tan te lumq'uinal ta scuenta Jehová.

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

San Juan 17:19

Ha ta scuentahic te la jch'ultes jba, scuenta yu'un hich ch'ultesbil ya xc'ohtic ta scuenta te smelelil c'ope.

San Mateo 23:17

¡Sonso ts'o'sitex! ¿Binti a te tulan sc'oblal, ha bal te oro o ha bal te Templo te ya sch'ultes te oro?

Éxodo 31:12

Te Jehová la sc'opon xan te Moisés, hich la yalbe:

Deuteronomio 5:12

Canantaya te sc'ahc'alel cux-o'tan yu'un hich yac ach'ultes, hich te bin ut'il la spasat ta mandar te Jehová te Dios awu'une.

Isaías 56:2

Bayel me yutsil te mach'a ya spas ini, te hich yo'tan ya spas, te ya scanantay te sc'ahc'alel cux-o'tan, te ma ba ya sbohlobtesbe sc'oblal, soc te ya scom sba ta spasel te bin chopol, xchi.

Jeremías 17:22

Ma me xaloq'uesic ihcatsil ta anahic ta sc'ahc'alel cux-o'tan soc ma me ayuc a'tel yac apasic a, ha ch'ultesbil ac'a c'ohtuc te sc'ahc'alel cux-o'tan, hich te bin ut'il la jpas ta mandar te ame'atatique.

Amós 8:5

te hich yac awalic: ¿Bin ora ya xc'ax te q'uin yu'un yach'il u, yu'un ya jchontic te sit awal-ts'unubil; soc bin ora ya xc'ax te sc'ahc'alel cux-o'tan, yu'un ya jamtic te yawil trigo? Ya jtutubtes te sp'isol, ya jtoybetic te stojol soc ya jlo'loytic ta sp'isojibal yalal;