Éxodo 30:31 - Bible in Tzeltal Bachajón

³¹ Hich me xawalbe te snich'nab Israel: Ha te ch'ul aceite cu'un scuenta ch'ultesel te ya xtuhun yu'un spisil ta cajalcaj bahel ats'umbalic.

Bible in Tzeltal de Oxchuc y Tenejapa

³¹ Albeya te israeletic, te ch'ul aceite cu'un ja' me ya xtuun yu'un te ya jch'ultes spisil a te bitic cu'une.

Éxodo 30:31 Referans Kwoze

Salmos 89:20

La jta te ca'bat David; la jmal ta ch'ul aceite cu'un.

Levítico 21:10

Te muc'ul sacerdote te ay ta yohlil te yermanotac, te malot ta aceite yu'un ch'ultesel soc te yich'oj ch'ultesel yu'un ya xhu' ya slap te ch'ul c'u'ule, ma me sloq'ues smuhquil sjol soc ma me sch'i' sc'u',

Levítico 8:12

La smalbe ta sjol Aarón te aceite yu'un ch'ultesel scuenta yu'un ya sch'ultes.

Éxodo 37:29

La spas te ch'ultesbil aceite yu'un ch'ultesel soc te lequil pom te buen sumet yic', hich te bin ut'il ya spas te mach'a ya spas perfume.

Éxodo 29:21

Te ch'ich' ay ta sba te scajtajib ta chiq'uel mahtanil, soc te aceite yu'un ch'ultesel, ya me atsihtsin a te Aarón soc sc'u' spac', soc te snich'nab soc sc'u' spaq'uic. Hich ch'ultesbil ya xc'oht soc te snich'nab soc te sc'u' spaq'uique.

Éxodo 30:30

Ya me amal ta aceite te Aarón soc te snich'nab, a'beya yich' ya'telic scuenta yu'un sacerdotehetic cu'un ya xc'ohtic.

Éxodo 30:32

Ma me ayuc nax mach'a ya yich' malbeyel ta sbaq'uetal, soc ma me xapas yan aceite te pajal soc. Ha me ch'ul aceite stuquel, ac'a c'ohtuc ta awo'tanic te ha ch'ultesbil.