Éxodo 30:23 - Bible in Tzeltal Bachajón

²³ Ya me awich' te bin mero sumet yic': ho'winic scha'bahc' (500) siclo mero lequil mirra, lajuneb yoxlajunwinic (250) siclo canela te sumet yic', lajuneb yoxlajunwinic (250) siclo jalal te sumet yic',

Bible in Tzeltal de Oxchuc y Tenejapa

²³ —Lea atuquel ta bay mero lequic te bitic bujts'an yiq'ue: waqueb me kilo mero lequil mirra, oxeb kilo canela, oxeb kilo jalal yilel te ay yiq'ue,

Éxodo 30:23 Referans Kwoze

Ezequiel 27:19

Te Dan soc Javán la sjelbat abiluc ta uhltesbil taq'uin, canela soc jalal te sumet yic'.

Cantares 4:14

nardo soc azafrán, jalal te sumet yic' soc canela, spisil ta chahp te'etic yu'un pom, yu'un mirra soc áloe; soc spisil ta chahp te bintic sumet yic'.

Ezequiel 27:22

Te jmambajeletic soc jchombajeletic yu'un Sabá soc Raama la ya'iyic mambajel chombajel ta atojol, la sjelbat abiluc ta lequil perfume, spisil ta chahp t'ujbil tonetic soc oro yu'un te abiluque.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Cantares 1:13

Te mach'a c'ux ta co'tan hich c'ohem cu'un te bin ut'il jtohm mirra te jipil ta yohlil schebal jchu'.

Cantares 1:3

Mero sumet yic' te perfumehetic awu'un, te abihile hich c'ohem te bin ut'il malem perfume. Ha yu'un te c'uxat ta yo'tanic te ach'ixetique.

Proverbios 7:17

Te jwayib la jca'beyix mirra, áloe soc canela.

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Éxodo 37:29

La spas te ch'ultesbil aceite yu'un ch'ultesel soc te lequil pom te buen sumet yic', hich te bin ut'il ya spas te mach'a ya spas perfume.

Éxodo 25:6

aceite yu'un c'ahc', ha'maletic te sumet yic' te ya xtuhun yu'un te aceite yu'un ch'ultesel soc yu'un pom te sumet yic',

Éxodo 30:22

Te Jehová la yalbe xan te Moisés:

Éxodo 30:24

ho'winic scha'bahc' (500) siclo casia ha'mal, soc jun hin aceite yu'un oliva.

Éxodo 31:11

te aceite yu'un ch'ultesel, soc te pom te sumet yic' te ya xtuhun ta ch'ul awilal. Ya me spasic spisil hich te bin ut'il la jcalbat, xchi.

Éxodo 35:28

soc la yich'ic tal te bintic sumet yic', aceite yu'un te c'ahq'uetic, aceite yu'un ch'ultesel, soc te pom te sumet yiq'ue.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Reyes 1:39

Te sacerdote Sadoc la yich' te xulubil nojel ta aceite yu'un te Nahilpac' Templo, la smal a te Salomón. La yoq'uesinic xulubil, spisil te pueblo la yalic ta aw: ¡Viva ajwalil Salomón! xchihic.

1 Crónicas 9:30

Ay cha'oxtuhl snich'nab sacerdotehetic te ya spasic te perfumehetique.

Isaías 43:24

Ma ba la amambon tal jalal te sumet yic', soc ma ba la awac' nojuc jch'uht yu'un sjuhp'el te chic'bil mahtaniletic awu'une. Pero la awa'bon jcuch te muliletic awu'un, soc la alubteson yu'un te chopoliletic awu'une.

Números 4:16

Pero ay ta scuenta Eleazar snich'an te sacerdote Aarón te aceite yu'un c'ahc' te ya sacubtes q'uinal, te pom te sumet yic', te mahtaniletic harina te ya yich'ic aq'uel spisil ora, soc te aceite yu'un ch'ultesel. Ay ta scuenta spisil te Nahilpac' Templo soc spisil bintic ay tey a, te ch'ul awilal soc te biluquetic yu'une, xchi.

1 Crónicas 9:29

Ay yantic te ay ta scuentahic te biluquetic soc spisil bintic ya xtuhun ta ch'ul awilal, te harina, vino, aceite, pom soc te bintic sumet yic'.