Éxodo 30:10 - Bible in Tzeltal Bachajón

¹⁰ Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Bible in Tzeltal de Oxchuc y Tenejapa

¹⁰ Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Éxodo 30:10 Referans Kwoze

Levítico 16:18

ya xloc' bahel ta scajtajib ta chiq'uel mahtanil te ay ta stojol Jehová, ya spasbe te stojel mulil; ya yich'be sch'ich'el te jcolel toro soc sch'ich'el te tat tentsun, ya sjaxbe ta xulubiletic ta sjoyobal te scajtajib ta chiq'uel mahtanil.

Hebreos 9:25

Ma yu'unuc te bayel buelta ya yac' sba ta lajel, hich te bin ut'il jujun ha'bil te muc'ul sacerdote ya x'och bahel ta Mero Ch'ul Awilal soc ch'ich' te ma ha'uc yu'une.

Levítico 23:27

Ta slajunebal c'ahc'alil ta shuquebal u, ha me te Sc'ahc'alel Stojel Mulil; ay me ch'ul tsoblej awu'unic, ya me acom awe'elic soc ya me awa'beyic chic'bil mahtanil te Jehová.

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Apocalipsis 9:13

Te swaquebal ch'ul a'bat la yoq'uesin te scorneta; la jca'iy ay loc' c'op ta yohlil te chaneb xulubiletic yu'un te scajtajib ta chiq'uel pom pasbil ta oro te ay ta stojol te Diose.

Éxodo 30:9

Ma me ayuc yan pom yac achic' tey a, o scohtol chic'bil mahtanil, o mahtanil harina, soc ma me xamal tey a te malbil mahtanile.

Éxodo 30:11

Te Jehová la yalbe te Moisés:

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Levítico 16:16

Hich ya slecubtesbe sc'oblal a te ch'ul awilal ta scaj sbohlilic te snich'nab Israel soc stoybahilic soc spisil smulic. Hich nix ya spasbe te Nahilpac' Templo yu'un tahojibal te ay ta yohlil te sbohlilique.

1 Reyes 1:50

Yan te Adonías, ta scaj te la xi' te Salomón, hahch bahel, baht stsacbe te xulubil scajtajib ta chiq'uel smahtan Dios.

1 Crónicas 6:49

Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

Levítico 4:7

Ya me sjaxbe te ch'ich' ta xulubiletic yu'un te scajtajib ta chiq'uel pom te ay ta Nahilpac' Templo yu'un tahojibal, ta stojol te Jehová; te sch'ich'el te hilem ya smalbe ta yoc te scajtajib ta chiq'uel mahtanil te ay ta stojol te yochibal te Nahilpac' Templo yu'un tahojibal.

Levítico 4:18

Soc ya sjaxticlan ta ch'ich' te xulubiletic yu'un te scajtajib ta chiq'uel pom te ay ta stojol Jehová, ta Nahilpac' Templo yu'un tahojibal. Spisil te ch'ich' ya xhile, ya smalbe ta yoc te scajtajib ta chiq'uel mahtanil te ay ta yochibal te Nahilpac' Templo yu'un tahojibal.