Éxodo 30:1 - Bible in Tzeltal Bachajón

¹ Ya me apas ta acacia-te' jun scajtajib banti ya yich' chiq'uel pom.

Bible in Tzeltal de Oxchuc y Tenejapa

¹ “Pasbon jun scajtijib jmajt'an ta acacia, yu'un ya yich' chiq'uel pom a.

Éxodo 30:1 Referans Kwoze

Apocalipsis 8:3

Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.

Levítico 4:7

Ya me sjaxbe te ch'ich' ta xulubiletic yu'un te scajtajib ta chiq'uel pom te ay ta Nahilpac' Templo yu'un tahojibal, ta stojol te Jehová; te sch'ich'el te hilem ya smalbe ta yoc te scajtajib ta chiq'uel mahtanil te ay ta stojol te yochibal te Nahilpac' Templo yu'un tahojibal.

Éxodo 40:5

Ya me awac' ta stojol te scaxahul Testigo-c'op te scajtajib schic'ojibal pom pasbil ta oro, soc ya me ajohc'an te pac' ta yochibal te Nahilpac' Templo.

2 Crónicas 26:16

Pero te c'alal la sta yip, la stoy sba, hich la sta jinel yu'un. Ma junuc yo'tan ta stojol Jehová te Dios yu'un, ha och bahel ta templo yu'un Jehová ta schiq'uel pom ta scajtajib ta chiq'uel pom.

1 Reyes 6:20

Te yutil te Mero Ch'ul Awilal, jtahb (20) xuhc'ubil snahtil, jtahb (20) xuhc'ubil sjamalil, soc jtahb (20) xuhc'ubil stoyolil. La spots ta lequil oro, soc la spots ta oro te scajtajib ta chiq'uel pom pasbil ta cedro.

Levítico 4:18

Soc ya sjaxticlan ta ch'ich' te xulubiletic yu'un te scajtajib ta chiq'uel pom te ay ta stojol Jehová, ta Nahilpac' Templo yu'un tahojibal. Spisil te ch'ich' ya xhile, ya smalbe ta yoc te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.

Éxodo 30:2

Pajal ta chanxuhc, jun xuhc'ubil snahtil soc jun xuhc'ubil sjamalil, cheb xuhc'ubil stoyolil. Te xulubiletic junax ya yich' pasel soc.

Éxodo 35:15

te scajtajib ta chiq'uel pom soc sq'uechojibal, te aceite yu'un ch'ultesel, te pom te sumet yic', te pac' yu'un te yochibal te Nahilpac' Templo;

Números 3:31

Ha ay ta scuentahic scanantayel te scaxahul te chapbil-c'op, te mesa, scajtajib c'ahc', te scajtajibic ta chiq'uel mahtanil soc pom, bintic ya xtuhun scuenta a'tel ta ch'ul awilal, te tsalul pac' soc spisil te bintic ay ta pasel tey a.

1 Reyes 6:22

Hich la spots ta oro spisil te yutil te templo, soc la spots ta oro te scajtajib chic'ojibal pom te ay ta stojol te Mero Ch'ul Awilal.

1 Reyes 7:48

Hich te Salomón la spas spisil bintic ya xtuhun ta sna Jehová: ha te scajtajib ta chiq'uel pom pasbil ta oro, jun mesa pasbil ta oro te banti ya xc'oht te pan ac'bil ta stojol Dios;

1 Crónicas 6:49

Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

1 Crónicas 28:18

soc te jayeb yalal lequil oro ya xtuhun yu'un te scajtajib ta chiq'uel pom soc yu'un te carreta yu'un te querubinetic pasbilic ta oro te slich'oj xiq'uic te ya smaquic a te scaxahul te chapbil-c'op yu'un Jehová.

Ezequiel 41:22

Te stoyolil scajtajib ta chiq'uel mahtanil pasbil ta te', oxeb xuhc'ubil, soc cheb xuhc'ubil snahtil; te jujun xuhc, te yoc soc te jujujehch, pasbilic ta te'. Hich la yalbon te winique: Ha te mesa te ay ta stojol Jehová, xchi.

Éxodo 31:8

te mesa soc te bintic ya xtuhun tey a, te scajtajib c'ahc' pasbil ta puro oro soc spisil bintic ya xtuhun tey a, te scajtajib ta chiq'uel pom,

Éxodo 39:38

te scajtajib ta chiq'uel pom pasbil ta oro, te aceite yu'un ch'ultesel, te pom sumet yic', te pac' yu'un yochibal te Nahilpac' Templo;

Números 4:11

Ya slimbeyic yaxal pac' ta sba te scajtajib pasbil ta oro; ya spotsic bahel ta nuhculetic, soc ya yotseslambeyic te sq'uechojibale.