Éxodo 3:15 - Bible in Tzeltal Bachajón

¹⁵ Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Bible in Tzeltal de Oxchuc y Tenejapa

¹⁵ Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 3:15 Referans Kwoze

Hebreos 13:8

Te Jesucristo stalel ay wojey, yo'tic soc sbahtel q'uinal.

Malaquías 3:6

Ho'on, Jehovahon, ma ba ya xyanij co'tan; ha yu'un te ma ba lajemex, ha'ex sts'umbalex Jacob.

Oseas 12:5

ha te Jehová, te Dios te scuentahinej spisil, Jehová te sbihile.

Miqueas 4:5

Aunque spisil te pueblohetic ya xbehenic ta scuenta sbihilic te dios yu'unic, te ho'otic ya xbehenotic ta scuenta sbihil Jehová te Dios cu'untic sbahtel q'uinal.

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Salmos 102:12

Yan te ha'ate, Jehová, muc'ul ajwalilat sbahtel q'uinal; ayat ta na'el ta cajalcaj ts'umbalil.

Salmos 135:13

¡Jehová, sbahtel q'uinal ay te abihile; ta cajalcaj ts'umbalil ayat ta na'el!

Hechos 7:32

Ho'on Dioson yu'un te me'iltatiletic awu'un, Dioson yu'un te Abraham, Isaac, soc Jacob, xchi. Hahch ta nihquel yu'un xiwel te Moisés, la xi' te la yile.

Deuteronomio 1:11

¡Te Jehová, te Dios yu'un te ame'atatic, ac'a p'ohluquex mil buelta xan a te bin ut'il ayex ta ora ini, soc ac'a ya'beyex bendición hich te bin ut'il yaloj!

Éxodo 4:5

Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.

Isaías 63:12

te la stojobtes bahel ta swa'el-c'ab Moisés ta scuenta yutsil yu'el, te la sjam te ha' ta stojolic, yu'un hich ay ta na'beyel sbihil sbahtel q'uinal?

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

2 Crónicas 28:9

Ay jtuhl jalwanej yu'un Jehová tey a, ha te Oded sbihil, loc' ta stahel te soldadohetic te c'alal yacalic ta ochel bahel ta Samaria a, hich la yalbe: Te Jehová te Dios yu'un te ame'atatic la ya'beyex ta ac'abic te Judá ta scaj te ilin ta stojolic. Te ha'ex la amilic ta scuenta hich smuc'ul awilimbahic te c'ohtix c'alal ta ch'ulchan.

San Mateo 22:32

Ho'on Dioson yu'un Abraham, Dioson yu'un Isaac, soc Dioson yu'un Jacob, te xchihe? Ma ha'uc Dios yu'un te mach'atic chamenic, ha Dios yu'un te mach'atic cuxulic, xchi te Jesús.

Deuteronomio 4:1

Yo'tic, Israel, a'iya me awa'iyic te bintic chapal soc te bintic halbil ta mandar te ya ca'beyex anopic, scuenta yu'un yac apasic soc ya xcuxajex, soc ya x'ochex bahel ta yu'untayel te q'uinal te ya ya'beyex te Jehová te Dios yu'un ame'atatique.

Deuteronomio 1:35

Ni jtuhluc winic yu'un ha'i chopol jcaj ts'umbalil ini ya xc'oht yil te lequil q'uinal te jc'axel la jcal ta jamal te ya ca'be te ame'atatique;

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Génesis 24:12

Hich la yal: Jehová, Diosat yu'un te cajwal Abraham, ya calbat wocol te yacuc acoltayon yo'tic, soc yacuc ac'uxultaybon te cajwal Abraham.

Éxodo 3:13

Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Éxodo 4:1

Ha yu'un hich la sjac' te Moisés: Ma ba ya sch'uhunonic soc ma xya'iybonic jc'op, ya wan yalbonic: Ma ba yac'oj sba ta ilel ta atojol te Jehová, xchihic wan.

Éxodo 6:2

Te Dios hich la yalbe xan te Moisés: HO'ON JEHOVAHON.

Éxodo 15:2

Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Éxodo 15:3

Te Jehová ha te mach'a ya yac' guerra; ha Jehová te sbihile.

Levítico 24:11

Te yal israel-ants la slaban soc la sbohlc'optay te Bihilil; ha yu'un la yiq'uic bahel ta stojol Moisés. (Selomit sbihil te snane, ha yantsil-nich'an Dibri, sts'umbal Dan).

Salmos 30:4

¡C'ayojtayahic Jehová, ha'ex te ch'ultesbilex yu'un; halbeyahic yutsil te sch'ul bihile!

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Isaías 26:8

Ya jmahliyatcotic, Jehová, ta be yu'un te chahpanel awu'une; te abihil soc te ana'ojibal, ha te bin ya sc'an te co'tantique.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Jeremías 33:2

Hich yaloj te Jehová, te la spas te bahlumilal, te Jehová te la schahpan soc la ya'be yich' yip, ha Jehová te sbihile:

Daniel 2:23

Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

1 Crónicas 16:16

ha te c'op la schap soc Abraham, ha te bin la yal ta jamal ta stojol Isaac,

1 Crónicas 29:18

Jehová, Diosat yu'un Abraham, Isaac soc Israel te jtatcotic, ac'a te staleluc hich ay sc'anojel yo'tanic te pueblo awu'un, soc ac'a te junuc yo'tanic ta atojol.

Salmos 30:5

Como c'axel nax ay te yilimba, yan te c'uxultayel yu'une ya xhalaj spisil cuxlejalil. Ta ahc'abal ay oq'uel, pero ta sab ya xtal yutsil q'uinal.

Salmos 68:5

Te Dios te ay ta ch'ul templo yu'un, ha stat te me'ba'etic, soc ya xc'opoj yu'un te me'ba' antsetique.

Salmos 102:13

Ya me xhahchat soc ya me ac'uxultay te Sión, como ha yorahil te ya yich' c'uxultayel, c'ohtix yorahil.

Oseas 12:6

Ha yu'un, ha'at, suhtan tal ta stojol te Dios awu'une; a'iya c'uxultaywanej soc pasa te bin toj, soc spisil ora ac'a smuc'ulin awo'tan te Dios awu'une.