Éxodo 3:14 - Bible in Tzeltal Bachajón

¹⁴ Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

Bible in Tzeltal de Oxchuc y Tenejapa

¹⁴ La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Éxodo 3:14 Referans Kwoze

Hebreos 13:8

Te Jesucristo stalel ay wojey, yo'tic soc sbahtel q'uinal.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Salmos 90:2

Te c'alal ma to ayuc a te witsiltic, te c'alal ma to ba pasbilic awu'un a te lumq'uinal soc te bahlumilal, stalel sbahtel q'uinal ha'at Diosat atuquel.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

2 Corintios 1:20

como spisil bintic yaloj ta jamal te Diose: Yac, xchi sc'oblal ta scuenta Cristo. Ha yu'un te ta scuenta Cristo ho'otic ya caltic: Hichuc, xchihotic, ta scuenta yutsilal te Diose.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Salmos 68:4

C'ayojtayahic te Diose, c'ayojtaybeyahic yutsil sc'oblal te sbihile; halbeyahic yutsil sc'oblal te mach'a cajal ta tocal ya xbehen bahel. Jehová te sbihile, ¡tse'eluc me awo'tanic ta stojol!

San Mateo 18:20

como te banti ay stsoboj sbahic cha'oxtuhl ta scuenta jbihil, tey ayon ta yohlilic a, xchi te Jesús.

Job 11:7

¿Ya bal xhu' yac ana'be scuentahil te bintic muquen ayic yu'un te Diose? ¿Ya bal xhu' awu'un stahel te c'ax lec stalel te Mach'a spisil ya xhu' yu'une?

San Juan 8:24

Ha scuentahil te la jcalbeyex te ay amulic a ya xchamex. Teme ma ba yac ach'uhunic te jtalel ayon, ay amulic a ya xchamex, xchi.

Éxodo 3:13

Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Éxodo 6:2

Te Dios hich la yalbe xan te Moisés: HO'ON JEHOVAHON.

Éxodo 23:21

Ich'a ta cuenta soc a'iybeya te sc'ope; ma me xatoy aba ta stojol, yu'un ma ba ya spasbeyex perdón yu'un atoybahilic, como yich'oj te jbihile.

Éxodo 15:3

Te Jehová ha te mach'a ya yac' guerra; ha Jehová te sbihile.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.