Éxodo 3:10 - Bible in Tzeltal Bachajón

¹⁰ La' me hiche, ya jticonat bahel ta stojol faraón scuenta yu'un yac aloq'ues tal ta Egipto te pueblo cu'un, ha te snich'nab Israel, xchi.

Bible in Tzeltal de Oxchuc y Tenejapa

¹⁰ Jich yu'un ya me xbeenat te ja'ate, ya me jticunat bael ta stojol te faraón, ya me aloq'uesbon tel ta Egipto te lum cu'un, ja' te alumal Israele —xi' te Diose.

Éxodo 3:10 Referans Kwoze

Miqueas 6:4

La jloq'uesat tal ta sq'uinal Egipto, la jcac'at ta libre yu'un mosohil; la jticon bahel ta atojol te Moisés, te Aarón soc te María.

Salmos 105:26

La sticon te Moisés te a'bat yu'un, soc te Aarón te tsahbil yu'une.

1 Samuel 12:6

Hich te Samuel la yalbe te pueblo: Ha testigo te Jehová te la stsa Moisés soc Aarón, soc te la sloq'ues tal ta sq'uinal Egipto te ame'atatique.

Hechos 7:34

Quilbeyej swocol te pueblo cu'un te ay ta Egipto, soc ca'iybeyej yahcan, ha yu'un cohemon tal ta scoltayel. La' me, ya jticonat bahel ta Egipto, xchi.

Salmos 77:20

La atojobtes bahel te pueblo awu'un hich te bin ut'il jchahp tuminchijetic, ta scuenta te Moisés soc Aarón.

Hechos 7:36

Ha te la sloq'ues tal te israeletic ta sq'uinal Egipto, ta banti la spas jchahp a'teliletic soc señahiletic, soc nix ta Mar Rojo soc cha'winic (40) ha'bil ta jochol taquin q'uinal.

Oseas 12:13

Ta scuenta jtuhl jalwanej te Jehová la sloq'ues tal ta Egipto te Israel; soc ta scuenta jtuhl jalwanej la scanantay.

Hechos 7:6

Hich halbot yu'un Dios: Te ats'umbal ha jyanlum ya xc'ohtic ta yan q'uinal, soc jbahc' (400) ha'bil ya xmosohinotic soc ya x'uts'inotic tey a.

Hechos 7:7

Pero ya me ca'be castigo te nación te banti ayic ta mosohinel; patil ya xloq'uic tal soc ya yac' sbahic ta a'batinel cu'un li' ta lugar ini, xchi.

Génesis 15:13

Hich te Jehová la yalbe te Abram: Na'a me te ya xnahin ats'umbal ta yan q'uinal, ya x'ochic ta mosohil tey a, jbahc' (400) ha'bil ya x'uts'inotic.

Génesis 15:14

Pero ho'on ya ca'be stoj te nación te ya xmosohinotic yu'une; patil ya xloq'uic tal soc bayel sc'ulejalic.

Éxodo 6:26

Ha'ic ini te Aarón soc te Moisés te halbotic yu'un Jehová: Loq'uesahic ta Egipto te snich'nab Israel ta jujuchahp, te xchihe.

Éxodo 12:40

Te snich'nab Israel ayinic ta Egipto jbahc' soc lajuneb scha'winic (430) ha'bil.

Éxodo 12:41

Ta mero sc'ahc'alel te ts'acay te jbahc' soc lajuneb scha'winic (430) ha'bil spisil te pueblo yu'un Jehová loq'uic bahel ta sq'uinal Egipto.

Éxodo 33:12

Te Moisés la yalbe te Jehová: Ilawil, ha'at yac awalbon: Ic'a bahel te pueblo ini, xchihat, pero ma ba la awa'bon jna' mach'a a te yac awac' sjoquinon bahele. Pero awaloj: Ya jna'bat abihil, soc lec c'ohemat ta jtojol, xchihat.

Éxodo 33:13

Ha yu'un teme lec c'ohemon ta atojol, awocoluc, a'bon jna' te bin ay ta awo'tan, scuenta yu'un ya jna'bat aba soc te lecuc ya xc'ohon ta atojol. Soc na'a me te ha pueblo awu'un te pueblo ini, xchi.

1 Samuel 12:8

Te c'alal och ta Egipto te Jacob soc te tulan awonic yu'un swocolic ta stojol Jehová te ame'atatique, te Jehová la sticon bahel Moisés soc Aarón te la sloq'uesic tal ta Egipto te ame'atatic soc la yaq'uic nahinuc ta lugar ini.

Jueces 6:14

Te Jehová la yilbe sit, hich la yalbe: Bahan soc te awipe, coltaya te Israel ta sc'ab te madianetique. ¿Ma bal ho'ucon ya jticonat bahel? xchi.