Éxodo 29:7 - Bible in Tzeltal Bachajón

⁷ Patil ya me atsac te aceite yu'un ch'ultesel, ya me amalbe ta sjol scuenta yich'el te ya'tele.

Bible in Tzeltal de Oxchuc y Tenejapa

⁷ Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Éxodo 29:7 Referans Kwoze

Números 35:25

Te pueblo ya scoltayic loq'uel ta sc'ab te mach'a ya sutbe spacol te ch'ich' malbil, ya me sticonic suhtel ta pueblo yu'un ahnibal, te banti baht ta ahnel, tey ya xhil a ha to c'alal ya xcham te muc'ul sacerdote, te mach'a malot ta ch'ul aceite.

Levítico 21:10

Te muc'ul sacerdote te ay ta yohlil te yermanotac, te malot ta aceite yu'un ch'ultesel soc te yich'oj ch'ultesel yu'un ya xhu' ya slap te ch'ul c'u'ule, ma me sloq'ues smuhquil sjol soc ma me sch'i' sc'u',

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Salmos 133:2

Pajal soc lequil aceite ta jolal, te ya x'oquin cohel ta yisim, ta yisim Aarón, ya xco bahel c'alal ta snuc' sc'u'.

Salmos 89:20

La jta te ca'bat David; la jmal ta ch'ul aceite cu'un.

Levítico 10:7

Soc ma me xloq'uex bahel ta yochibal te Nahilpac' Templo yu'un tahojibal, scuenta yu'un ma xchamex a, como awich'ojic te aceite scuenta ch'ultesel yu'un Jehová, xchi sc'oblalic. Hich nix la spasic te bin ut'il halbotic yu'un te Moisés.

Éxodo 28:41

Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

Levítico 21:12

Ma me xloc' ta ch'ul awilal yu'un soc ma me xyac' bohlobuc sc'oblal te ch'ul awilal yu'un te Dios yu'une, como yich'oj malel ta aceite scuenta ch'ultesel yu'un te Dios yu'une. Ho'on, Jehovahon.

Zacarías 4:14

Hich la sjac'bon: Ha te cha'tuhlic ini te tsahbilic te ayic ta stojol te Ajwalil yu'un swohlol bahlumilal, xchi.

Éxodo 40:13

Soc ya me awa'be slap te ch'ul c'u'uletic te Aarón, ya me amal ta aceite, ya me ach'ultes scuenta yu'un sacerdote cu'un ya xc'oht a.

Levítico 7:35

Hich ay te bin ya yich' Aarón soc te snich'nab yu'un te mahtaniletic te ya yich'ic chiq'uel ta stojol Jehová, c'alal ta bin c'ahc'alil te parte ac'otic ta sacerdotehil yu'un Jehová.