Éxodo 29:6 - Bible in Tzeltal Bachajón

⁶ Ya me axojbe ta sjol te spixjol pac' soc ya me awac' ta spixjol pac' te ch'ul lehchel taquin.

Bible in Tzeltal de Oxchuc y Tenejapa

⁶ Ac'beya te sbejch'il pac' ta sjol. Te lejch'el taq'uin ja' me ya amacbey sti'il a te sbejch'il pac' ta sjol te ya yac' ta na'el te ch'ultesbil ta abatinel ta sacerdoteile.

Éxodo 29:6 Referans Kwoze

Levítico 8:9

Patil la ya'be ta sjol te spixjol pac', ta stojol sti'ba la ya'be te jayal pehchel oro, ha te ch'ul corona, hich te bin ut'il halbot yu'un Jehová te Moisés.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Levítico 21:12

Ma me xloc' ta ch'ul awilal yu'un soc ma me xyac' bohlobuc sc'oblal te ch'ul awilal yu'un te Dios yu'une, como yich'oj malel ta aceite scuenta ch'ultesel yu'un te Dios yu'une. Ho'on, Jehovahon.

Zacarías 3:5

Patil hich la yal: A'beyahic spohtsil sjol te mayuc yabacul, xchi. Hich la ya'beyic spohtsil sjol te mayuc yabacul soc la ya'beyic slap buen t'ujbil c'u'ul; tey teq'uel a te ch'ul a'bat.