Éxodo 29:46 - Bible in Tzeltal Bachajón

⁴⁶ Hich ya me sna'ic a te ho'on Jehovahon te Dioson yu'unic, te la jloq'ueslan tal ta sq'uinal Egipto yu'un ya xnahinon ta yohlilic. Ho'on Jehovahon te Dioson yu'unique.

Bible in Tzeltal de Oxchuc y Tenejapa

⁴⁶ Jich me ya sna'ic te jo'on Ajwalilon te Dioson yu'unique. La jloq'ues tel ta Egipto yu'un ya x'ainon ta yolilic jo'on te Ajwalilon te Dioson yu'unique.

Éxodo 29:46 Referans Kwoze

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Ezequiel 20:5

hich xawalbe: Hich yaloj te Jehová, te Ajwalil: Te bin ora la jtsa te Israel, la jach jc'ab yu'un ay bin la jcal ta jamal ta stojol te sts'umbal te sna Jacob, te c'alal la jcac' jba ta na'el ta stojolic ta Egipto. La jach jc'ab, hich la jcal ta jamal ta stojolic: Ho'on Jehovahon, Dioson awu'unic.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Levítico 18:30

Ha yu'un, pasahic te bintic caloje, ma me xapasic te bintic mero ilobtic sba la spasic te c'alal ma to talex a, scuenta yu'un ma ba yac abohlobtes ac'oblalic a. Ho'on, Jehovahon, te Dioson awu'unique, xchi.

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Éxodo 25:8

Ac'a spasbonic ch'ul awilal, hich ya x'ayinon ta yohlilic.

Levítico 26:11

Ya xnahinon ta awohlilic, soc ma ba ya quihlayex ta co'tan.

Salmos 114:2

ha ch'ul awilal yu'un Jehová c'oht te Judá, te Israel ha cuentahinot yu'un.

Hageo 2:5

Hich te bin ut'il la jchahp jc'op ta atojolic te c'alal loq'uex tal ta Egipto, ya xtal ta awohlilic te espíritu cu'un, ma me xiwex.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Levítico 26:12

Ya xbehenon ta awohlilic, ho'on Dioson awu'unic ya xc'ohon soc ha'ex pueblohex cu'un ya xc'ohex.

Números 16:3

La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

1 Samuel 10:18

Hich la yalbe te snich'nab Israel: Hich la yal te Jehová, te Dios yu'un Israel: Ho'on la jloq'ues tal ta Egipto te Israel, soc la jcoltayex loq'uel ta sc'ab te egipciohetic soc ta sc'ab spisil yantic ajwaliletic te la yuts'inex, xchi.

2 Crónicas 6:18

Pero ¿melel bal te ya xnahin soc winiquetic ta bahlumilal te Diose? Como te ch'ulchan soc te stoyolil ch'ulchan, ma ba ya x'ochat a, ¿ha'uc to balix a te Na te la jpase?

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Ezequiel 34:24

Ho'on Jehovahon, Dioson yu'unic ya xc'ohon, soc te ca'bat David ha jcuentahinwanej ya xc'oht yu'unic. Ho'on Jehovahon, c'opojonix.