Éxodo 29:40 - Bible in Tzeltal Bachajón

⁴⁰ Ya me awa'be sjoquin te jujucoht tuminchij cheb litro lequil harina capal soc jun litro aceite yu'un p'ebil olivahetic; soc jun litro vino scuenta malbil mahtanil.

Bible in Tzeltal de Oxchuc y Tenejapa

⁴⁰ Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Éxodo 29:40 Referans Kwoze

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Ezequiel 46:14

Ta jujun sahb ya me awa'be sjoquin jun ta swaquebal efa harina soc jun ta yoxebal hin aceite te ya yich' wots'el soc te lequil harina. Ha te mahtanil te spisil ora ya yich' a'beyel te Jehová, ha mandaril te stalel ay.

Ezequiel 45:17

Yan te príncipal ay ta scuenta yaq'uel te scohtol chic'bil mahtaniletic, mahtanil harina soc te malbil mahtanil ta yorahil te muc'ul q'uinetic, ta yuhninal u, ta sc'ahc'alel cux-o'tan soc ta spisil te q'uinetic yu'un Israel. Ha me ya yac' te milbil mahtaniletic yu'un stojel mulil, mahtaniletic harina, scohtol chic'bil mahtaniletic, soc te mahtaniletic yu'un lamal-o'tanil yu'un ya xpasbot perdón yu'un smul a te sna Israel.

Isaías 57:6

Te sch'ulet tonetic ta sjuclej ha te bintic awu'un ya xc'oht, ha te bintic yac awich'ique; la awaq'uic malbil mahtanil ta stojolic soc la awa'beyic smahtanin harina. ¿Ma bal yacuc ca'be castigo yu'un spisil ini?

Levítico 23:13

Yac awac' scuenta mahtanil harina cheb ta slajunebal efa lequil harina wots'bil ta aceite, ha mahtanil te ya yich' chiq'uel ta stojol Jehová te buen sumet yic'. Te mahtanil te ya yich' malel, ha jun ta schanebal hin vino.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 1:9

Ch'ay bahel ta sna Jehová te mahtanil harina soc te malbil mahtanil; te sacerdotehetic te ya x'a'tejic ta stojol Jehová ayic ta mel-o'tan.

Ezequiel 46:11

Ta muc'ul q'uinetic soc ta yantic tsoblejetic ya me yich' aq'uel jun efa harina ta jujucoht jcolel toro, jun efa ta jujucoht tat tuminchij; soc ta jujucoht jcolel tuminchijetic chican ban c'alal ya xhu' ta aq'uel. Soc ta jujun efa harina ya me yich' aq'uel jun hin aceite.

Ezequiel 46:7

Ya yac' jun efa harina soc te jcolel toro, soc jujun efa harina soc jujucoht tat tuminchij; pero chican jayeb harina ya xhu' ya yac' soc te jcolel tuminchijetique. Soc ya yac' jujun hin aceite soc jujun efa harina.

Ezequiel 46:5

soc ta jujucoht te tat tuminchij ya yac' jun efa harina; soc ta jujucoht jcolel tuminchijetic chican jayeb harina ya xhu' ya yac', soc ta jujun efa harina ya yac' jun hin aceite.

Ezequiel 45:24

Ta jujucoht jcolel torohetic soc ta jujucoht tat tuminchijetic ya me ya'be sjoquin jun efa scuenta mahtanil harina, soc jun hin aceite.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 4:11

Soc p'isbil yac awuch' ha', jun ta swaquebal te hin; p'isbil yorahil yac awuch'.

Deuteronomio 32:38

te la swe'beyic sjuhp'el te milbil mahtaniletic yu'unic, soc te la yuch'beyic te vino yu'un te malbil mahtanil yu'unique? ¡Ac'a hahchuquic, ac'a scoltayex! ¡Ac'a tal scanantayex!

Números 29:16

soc ya me awaq'uic jcoht tat tentsun scuenta mahtanil yu'un stojel mulil; parte a te scohtol chic'bil mahtanil te ya yich' aq'uel spisil ora, te mahtanil harina soc te malbil mahtanil yu'une.

Números 28:24

Huqueb c'ahc'al hich me yac awaq'uic te we'elil soc te chic'bil mahtanil te sumet yic' ta stojol Jehová; ya yich' aq'uel soc te scohtol chic'bil mahtanil te ya yich' aq'uel spisil ora soc te malbil mahtanil yu'une.

Números 28:10

Ha te scohtol chic'bil mahtanil te ya yich' aq'uel ta jujun sc'ahc'alel cux-o'tan, parte a te scohtol chic'bil mahtanil ya yich' aq'uel jujun c'ahc'al soc te malbil mahtanil yu'une.

Números 28:5

soc jun ta slajunebal efa lequil harina wots'bil soc jun ta schanebal hin aceite yu'un pits'bil oliva.

Números 15:24

teme ma yolojuc a te hich ya spas te pueblohe, spisil te pueblo ya me yaq'uic jcoht toro scuenta scohtol chic'bil mahtanil te sumet yic' ta stojol Jehová, soc mahtanil harina soc malbil mahtanil yu'un, hich te bin ut'il ay ta pasel, soc ya me yaq'uic jcoht tat tentsun scuenta stojel mulil.

Números 15:7

soc te vino yu'un te malbil mahtanil ya me awac' jun ta yoxebal hin, scuenta sumet yic' ta stojol Jehová.

Éxodo 30:24

ho'winic scha'bahc' (500) siclo casia ha'mal, soc jun hin aceite yu'un oliva.

Éxodo 16:36

(Te jun gomer ha jun ta slajunebal jun efa.)

Génesis 35:14

Te Jacob la stehc'an hilel ton ta banti c'oponot yu'un Dios. La smalbe hilel malbil mahtanil ta sba soc la smalbe aceite.

Éxodo 29:39

Jcoht tuminchij yac awac' ta sab soc jcoht ta xtibiltay.

Éxodo 29:41

Ta xtibiltay ya me awac' te yan tuminchij soc te mahtanil harina soc malbil mahtanil yu'un, hich te bin ut'il ta sab, scuenta sumet yic' mahtanil a'bot Jehová ta scuenta c'ahc'.

2 Reyes 3:20

Ta sab ta yan c'ahc'al, ta yorahil te ya yich' a'beyel milbil mahtanil, tal ha' ta sbehlal Edom; noj ta ha' te q'uinale.

Oseas 9:4

Ma ba ya smalic malbil mahtaniletic ta stojol Jehová, soc ma ba lec yo'tan Jehová yu'un te chic'bil mahtaniletic yu'unique. Ha pan yu'un mel-o'tan ya xc'oht yu'unic, spisil te mach'atic ya swe'ic ya xbohlob sc'oblalic yu'un. Ha nix yu'unic ya xc'oht te pan, ma ba ya x'och ta sna Jehová.

Levítico 6:13

Spisil ora ya me xtihl te c'ahc' ta scajtajib ta chiq'uel mahtanil; ma me ayuc bin ora ya xtup'.

Números 4:16

Pero ay ta scuenta Eleazar snich'an te sacerdote Aarón te aceite yu'un c'ahc' te ya sacubtes q'uinal, te pom te sumet yic', te mahtaniletic harina te ya yich'ic aq'uel spisil ora, soc te aceite yu'un ch'ultesel. Ay ta scuenta spisil te Nahilpac' Templo soc spisil bintic ay tey a, te ch'ul awilal soc te biluquetic yu'une, xchi.