Éxodo 29:2 - Bible in Tzeltal Bachajón

² soc ich'a panetic te ma ba yich'oj levadura, pimil pan te ma ba yich'oj levadura te wots'bil soc aceite, soc jayal pan te ma ba yich'oj levadura te jaxbil ta aceite; ya me apasticlan ta lequil harina yu'un trigo.

Bible in Tzeltal de Oxchuc y Tenejapa

² Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Éxodo 29:2 Referans Kwoze

Números 6:15

Soc jun moch pan ma ba yich'oj levadura pasbil ta harina wots'bil ta aceite, jayal pan te ma ba yich'oj levadura te jaxbil ta aceite, mahtanil harina soc malbil mahtaniletic yu'un.

1 Corintios 5:7

Loq'uesa te poco' levadura scuenta yu'un yach'il harina ya xc'ohex te mayuc levadura yich'oj, hich te bin ut'il ayexe. Como te Pascua cu'untic, ha te Cristo, yich'ojix milel ta jcuentatic.

Números 6:19

Patil te sacerdote ya stsac te spech baquel sc'ab te tat tuminchij te ta'ajemix, te jpehch pan te ma ba yich'oj levadura te ay ta moch soc te jayal pan te ma ba yich'oj levadura, ya ya'be ta sc'ab te nazareo c'alal quits'bilix yu'un a te stsotsel sjol te ch'ultesbile.

Levítico 8:26

Soc ta stut mochil pan te ma ba yich'oj levadura, te ay ta stojol Jehová, la stsac loq'uel jpehch pimil pan te ma ba yich'oj levadura, jpehch pimil pan te wots'bil ta aceite, soc jpehch jayal pan, la ya'be sjoquin te sjuhp'el soc te swa'el ya'.

Levítico 8:2

Ic'a tal te Aarón soc snich'nab, soc ich'a tal te c'u'uletic, te aceite yu'un ch'ultesel, te jcolel toro scuenta mahtanil yu'un stojel mulil, te cha'coht stat tuminchijetic, soc te stut mochil pan ma ba yich'oj levadura;

Levítico 7:12

Teme ya yich' aq'uel ta scuenta yalel wocol, ha ya yich' aq'uel soc pimil pan ma ba yich'oj levadura te wots'bil ta aceite, soc jayal pan ma ba yich'oj levadura te jaxbil ta aceite, soc pimil pan pasbil ta lequil harina wots'bil ta aceite.

Levítico 7:10

Soc spisil te mahtanil harina wots'bil ta aceite, o teme taquin, ha ya xc'oht yu'un spisil te snich'nab Aarón, pajal me ya yich'ic.

Levítico 2:15

Ya me awa'be aceite soc pom ta sba. Ha mahtanil harina.

Éxodo 29:23

Ya me awich' jun muc'ul pan, jun pimil pan wots'bil soc aceite, soc jun jayal pan te ay ta tut moch yu'un te panetic ma ba yich'oj levadura te ac'bil ta stojol Jehová.

Éxodo 12:8

Ha nix yorahil ta ahc'abal a, ya me swe'ic te ti'bal wohbil ta c'ahc' soc ya swe'ic pan te ma ba yich'oj levadura, soc ch'ahal itaj.

Éxodo 29:3

Ya me awac' ta tut moch, tey yac awac' a scuenta mahtanil soc te jcolel toro soc te cha'coht tat tuminchij.

Levítico 6:13

Spisil ora ya me xtihl te c'ahc' ta scajtajib ta chiq'uel mahtanil; ma me ayuc bin ora ya xtup'.