Éxodo 29:14 - Bible in Tzeltal Bachajón

¹⁴ Yan te sbaq'uetal te toro, te snuhculel soc stsa' ya me achic' ta c'ahc' ta sti'il te campamento. Ha me mahtanil yu'un mulil.

Bible in Tzeltal de Oxchuc y Tenejapa

¹⁴ Yan te sbaq'uetal, te snujc'ulel soc te stsa' te toro, chic'a ta spat te acampamentoic, melel majt'anil yu'un mulil.

Éxodo 29:14 Referans Kwoze

Levítico 4:21

Ya sloq'ues bahel te jcolel toro ta fuera yu'un te campamento, ya schic' hich te bin ut'il la schic' te yan jcolel toro; ha milbil mahtanil yu'un stojel mulil yu'un te pueblo.

Esdras 8:35

Te mach'atic te suhtic tal ta chuquel la yaq'uic scohtol chic'bil mahtaniletic ta stojol te Dios yu'un Israel: ha lahchaycoht (12) jcolel torohetic, waclajuneb yo'winic (96) ta coht tat tuminchijetic, huclajuneb schanwinic (77) ta coht jcolel tuminchijetic, soc lahchaycoht (12) tat tentsunetic scuenta stojel mulil, spisilic scuenta scohtol chic'bil mahtaniletic ta stojol te Jehová.

2 Crónicas 29:24

Te sacerdotehetic la smilic soc la smalbeyic sch'ich'el ta sjoyobal te scajtajib ta chiq'uel mahtanil scuenta stojel mulil yu'un spisil Israel, como la yalix mandar te ajwalil te ya yich' pasel te scohtol chic'bil mahtanil soc te stojel mulil yu'un spisil Israel.

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Números 7:16

jcoht tat tentsun scuenta mahtanil yu'un stojel mulil;

Levítico 16:27

Patil ya yich'ic loq'uel ta fuera yu'un te campamento te jcolel toro soc te tentsun scuenta mahtanil yu'un mulil, te la yich' ich'beyel ochel sch'ich'elic ta ch'ul awilal scuenta spasel stojel mulil, ya schiq'uic tey a te snuhculel, sbaq'uetal soc stsa'.

Levítico 16:11

Te Aarón ya yic' tal te jcolel toro te ya xtuhun scuenta mahtanil yu'un smul, ya smil te jcolel toro scuenta milbil mahtanil yu'un smul soc smul te mach'atic ay yu'un ta sna.

Levítico 16:3

Hich ya x'och bahel te Aarón ta ch'ul awilal: Ya x'och soc jcoht jcolel toro scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 9:2

hich la yalbe te Aarón: Ic'a tal jcoht jcolel toro scuenta mahtanil yu'un mulil, soc jcoht tat tuminchij te mayuc bin jihnem yu'un, scuenta scohtol chic'bil mahtanil; ya me awac'ticlan ta stojol Jehová.

Levítico 8:17

Pero te jcolel toro, te snuhculel, sbaq'uetal soc stsa', la schic' ta c'ahc' ta fuera yu'un te campamento, hich te bin ut'il halbot yu'un Jehová te Moisés.

Levítico 6:25

Halbeya te Aarón soc te snich'nab te hich ay te mandaril yu'un te milbil mahtanil yu'un stojel mulil: Ta banti ya yich' milel te scohtol chic'bil mahtanil tey me ya yich' milel a te mahtanil yu'un mulil ta stojol Jehová; ha mero ch'ultesbil.

Levítico 5:8

Ya me yic'ticlan tal ta stojol te sacerdote te nahil ya yac' te jcoht mut scuenta stojel mulil. Ya sts'ot ta snuc' pero ma ba ya stuch'be ta jc'axel te sjole.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Levítico 4:32

Teme ha ya yac' jcoht jcolel tuminchij scuenta mahtanil yu'un mulil, ya me yic' tal te yantsilel te mayuc bin jihnem yu'un.

Levítico 4:29

Ya scajan sc'ab ta sjol te mahtanil yu'un stojel mulil, ya smil ta lugar te banti ya yich' milel te scohtol chic'bil mahtanil.

Levítico 4:25

Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:3

Teme ha ya sta smul te sacerdote te yich'oj malel ta aceite scuenta ch'ultesel, te hich ya ya'be sta smul a te pueblo, ya me ya'be Jehová jcoht jcolel toro te mayuc bin jihnem yu'un scuenta stojel mulil yu'un te smul stahoje.

Números 19:5

Ya yac' ta chiq'uel te wacax ta stojol, ya yac' ta chiquel te snuhculel, sbaq'uetal, sch'ich'el soc stsa'.

Ezequiel 43:21

Soc ya me atsac te toro scuenta stojel mulil, ya me achic' ta fuera yu'un te ch'ul awilal te tsahbile.

Malaquías 2:3

Ya jtij ta c'op ats'umbal, ya jch'ojbeyex tsa' ta asit awelawic, ha te stsa' chambahlametic te yac awaq'uic scuenta milbil mahtaniletic, soc pajal ya xch'ojotex loq'uel soc.