Éxodo 29:12 - Bible in Tzeltal Bachajón

¹² Ya me awich'be te sch'ich'el te toro, ya me ajaxbe ta yal ac'ab te xulubiletic yu'un te scajtajib ta chiq'uel mahtanil. Soc te ch'ich' te hilem ya me amal spisil ta yoc te scajtajib ta chiq'uel mahtanil.

Bible in Tzeltal de Oxchuc y Tenejapa

¹² Mula ta sbic'tal ac'ab jtebuc te xch'ich'el toro, jaxbeya ta xulubil scajtijib ta chiq'uel te jmajt'ane. Spisil te ch'ich' ya spas jilel sobra, mala ta yacan te scajtijib jmajt'ane.

Éxodo 29:12 Referans Kwoze

Éxodo 27:2

Pasbeya chaneb xulub ta schanebal xuhc; junax ya yich' pasel soc te scajtajib ta chiq'uel mahtanil, soc ya me apots ta bronce.

Levítico 9:9

Te snich'nab Aarón la yich'beyic tal te sch'ich'el; te Aarón la smul te yal sc'ab ta ch'ich', la sjax a te xulubiletic yu'un te scajtajib ta chiq'uel mahtanil; te ch'ich' te hil la smalbe ta yoc te scajtajib.

Levítico 8:15

Te Moisés la smil, la yich'be te sch'ich'el, ta yal sc'ab la sjaxbe ta xulubiletic soc ta sjoyobal te scajtajib ta chiq'uel mahtanil, yu'un ya slecubtes. Te ch'ich' te hile, la smalbe ta yoc te scajtajib, hich la sch'ultes scuenta yu'un tey ya yich' pasel a te stojel mulile.

Éxodo 30:2

Pajal ta chanxuhc, jun xuhc'ubil snahtil soc jun xuhc'ubil sjamalil, cheb xuhc'ubil stoyolil. Te xulubiletic junax ya yich' pasel soc.

Hebreos 10:4

como ma xhu' yu'un sch'ayel mulil te sch'ich'el torohetic soc tat tentsunetic.

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

Levítico 16:14

Ya yich'be sch'ich'el te toro, ta yal sc'ab ya stsihtsin ta yawil stahel perdón ta stojol banti ya xloc' tal c'ahc'al; soc ya stsihtsin ta ch'ich' ta yal sc'ab huqueb buelta ta stojol te yawil stahel perdón.

Levítico 5:9

Ya stsihtsin jtebuc te sch'ich'el te mahtanil yu'un stojel mulil ta spahc'ul te scajtajib ta chiq'uel mahtanil; te ch'ich' ya xhile ya spits'be ta yoc te scajtajib. Ha milbil mahtanil yu'un stojel mulil.

Levítico 4:34

Te sacerdote ya yich'be sch'ich'el te mahtanil yu'un stojel mulil, ta yal sc'ab ya sjaxbe ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:30

Patil te sacerdote ya smul ta ch'ich' te yal sc'ab, ya sjaxbe ta xulubiletic yu'un te scajtajib ta chiq'uel mahtanil, soc te ch'ich' ya xhile, ya smalbe ta yoc te scajtajib.

Levítico 4:25

Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:18

Soc ya sjaxticlan ta ch'ich' te xulubiletic yu'un te scajtajib ta chiq'uel pom te ay ta stojol Jehová, ta Nahilpac' Templo yu'un tahojibal. Spisil te ch'ich' ya xhile, ya smalbe ta yoc te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 4:7

Ya me sjaxbe te ch'ich' ta xulubiletic yu'un te scajtajib ta chiq'uel pom te ay ta Nahilpac' Templo yu'un tahojibal, ta stojol te Jehová; te sch'ich'el te hilem ya smalbe ta yoc te scajtajib ta chiq'uel mahtanil te ay ta stojol te yochibal te Nahilpac' Templo yu'un tahojibal.

Éxodo 38:2

La spasbe xulubiletic ta schanxuhcul te junax pasbilic soc te scajtajib, la spots ta bronce.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Éxodo 29:11

Ya me amil te jcolel toro ta stojol Jehová, ta yochibal te Nahilpac' Templo yu'un tahojibal.