Éxodo 28:43 - Bible in Tzeltal Bachajón

⁴³ Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Bible in Tzeltal de Oxchuc y Tenejapa

⁴³ Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Éxodo 28:43 Referans Kwoze

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Éxodo 20:26

Soc ma me xmohat ta cajalcaj ta scajtajib ta chiq'uel mahtanil cu'un, scuenta yu'un ma ba ya xchicnaj tey a te banti ma ba macal te abaq'uetale.

Levítico 5:17

Teme ay mach'a ya sta smul o te ya spas te bin yaloj ta mandar te Jehová te ma hichuc ya sc'an pasele, aunque ma ba sna'oj a, ha stahoj falta soc scuchoj smul ya xhil.

Números 18:22

Te snich'nab Israel ma xhu' ya xnohpojic tal ta Nahilpac' Templo yu'un tahojibal, scuenta yu'un ma ba ya sta smulic te hich ya xchamic yu'un.

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Levítico 17:7

Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

Levítico 5:1

Teme ay mach'a ya sta smul ta scuenta te la yich' iq'uel ta testigohil yu'un ay bin la yil o la sna', pero teme ma ba la yal, ha smul ya xc'oht.

Números 9:13

Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Éxodo 30:21

ya me spoc yoc sc'abic scuenta yu'un ma xchamic a. Ha mandaril te stalel ya xhil yu'un Aarón soc sts'umbal ta cajalcaj bahel, xchi.

Levítico 16:13

Ya yotses te pom ta sba ac'al ta stojol Jehová, te sch'ahilel pom ya spots te yawil stahel perdón ay ta sba te yawil Testigo-c'op, scuenta yu'un ma ba ya xcham a.

Ezequiel 44:17

Te c'alal ya x'ochic bahel ta ochibaletic yu'un te amac' ta yutil, ya me slapic sc'u'ic pasbilic ta lino; ma ba ya slapic sc'u'ic pasbilic ta tsots te c'alal ayic ta a'tel ta amac' ta yutil soc ta yutil te templohe.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Levítico 22:15

Ma me sbohlobtesbeyic sc'oblal te bintic ch'ultesbil yu'un te snich'nab Israel, te parte yac'ojic ta stojol Jehová;

Números 15:15

Junax mandaril awu'unic soc te jyanlum te ya sjoquinex ta nahinel. Ha mandaril te ma xlaj sc'oblal ta cajalcaj ats'umbal bahel; hich te bin ut'il ayex, hich nix ay te jyanlum ta stojol te Jehová.

Números 18:8

Te Jehová la yalbe xan te Aarón: La jca'batix acuentahin te mahtaniletic cu'un. Spisil te ch'ul mahtaniletic ya ya'bonic te snich'nab Israel la jca'bat soc anich'nab, ha te bin yac awich'ic hilel, ha mandaril te ma xlaj sc'oblal.

Números 18:32

Ma ba yac ata amulic a teme la awaq'uic ta banti leque. Hich ma ba yac abohlobtes te bintic ch'ultesbil yu'un te snich'nab Israel, soc ma ba ya xchamex yu'un, xchi.