Éxodo 28:41 - Bible in Tzeltal Bachajón

⁴¹ Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

Bible in Tzeltal de Oxchuc y Tenejapa

⁴¹ “Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

Éxodo 28:41 Referans Kwoze

Éxodo 29:7

Patil ya me atsac te aceite yu'un ch'ultesel, ya me amalbe ta sjol scuenta yich'el te ya'tele.

Levítico 10:7

Soc ma me xloq'uex bahel ta yochibal te Nahilpac' Templo yu'un tahojibal, scuenta yu'un ma xchamex a, como awich'ojic te aceite scuenta ch'ultesel yu'un Jehová, xchi sc'oblalic. Hich nix la spasic te bin ut'il halbotic yu'un te Moisés.

Éxodo 40:15

ya me amal ta aceite hich te bin ut'il la amal ta aceite te static, scuenta yu'un sacerdotehetic cu'un ya xc'oht a. Te ya yich'ic malel ta aceite hich me ya x'ochic ta sacerdotehil te ma xlaj sc'oblal ta cajalcaj sts'umbalic, xchi.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Hebreos 7:28

Como te Ley ya yotses ta muc'ul sacerdote winiquetic te mayuc yipic; pero te bin la yich' halel ta jamal, te ha patil yu'un te Ley, ha la yotses te Nich'anil te c'ax lec c'oht sbahtel q'uinal.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 2:20

Yan te ha'exe, la awich'iquix malel yu'un te Ch'ul Espíritu, hich apisilic yac ana'ic te bintic smelelil.

Hebreos 5:4

Mayuc mach'a stuquel-o'tan nax ya yac' sba ta muc'ul sacerdotehil, ya sc'an ya x'ic'ot yu'un Dios, hich te bin ut'il ic'ot te Aarón.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Ezequiel 43:26

Huqueb c'ahc'al ya me yaq'uic mahtaniletic scuenta stojel mulil soc ya me slecubtesbeyic sc'oblal, hich ya sch'ultesic.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Isaías 10:27

Ta hich ora ya xcohtesbot yihcats ta anehquelic soc te yugo yu'unic ta anuc'; ya xwac' te yugo yu'un ha'at tsahbilat cu'un.

Números 3:3

Ha sbihilic te snich'nab Aarón, ha te sacerdotehetic te la yich'ic malel ta aceite scuenta ch'ultesel, te la yich' ya'telic ta sacerdotehil.

Éxodo 29:35

Ya me apasbe te Aarón soc te snich'nab hich te bin ut'il spisil te bin la jcalbate. Huqueb c'ahc'al ya xc'ax awu'unic ta ya'beyel yich' ya'telic.

Éxodo 29:24

Ya me awa'be spisil ta sc'ab Aarón soc ta sc'ab te snich'nab, ya me atuchilan scuenta tuchilambil mahtanil ta stojol Jehová.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Éxodo 28:1

Ac'a taluc ta atojol te abanquil Aarón soc snich'nab scuenta yu'un ha sacerdotehetic ya xc'ohtic cu'un ta yohlil te snich'nab Israel; te Aarón soc snich'nab, ha te Nadab, Abiú, Eleazar soc Itamar.

Éxodo 40:13

Soc ya me awa'be slap te ch'ul c'u'uletic te Aarón, ya me amal ta aceite, ya me ach'ultes scuenta yu'un sacerdote cu'un ya xc'oht a.

Levítico 16:24

Ya x'atin ta lugar te ch'ultesbil, patil ya slap sc'u' spac' soc ya xloc' bahel, ya yac' te scohtol chic'bil mahtanil yu'un soc yu'un te pueblo, hich ya spasbe te stojel smul soc te smul te pueblohe.

Éxodo 30:35

ya me apas ta pom te sumet yic', capbil ta lec, hich te bin ut'il mach'a ya sna' spasel perfume, mayuc ya'baquil, soc ch'ultesbil.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.