Éxodo 28:39 - Bible in Tzeltal Bachajón

³⁹ Ya me ajal muc'ul c'u'ul ta lino, soc pasa pixjolal pac' ta lino soc schuhquil ch'uhtul ch'albil ta ts'isel.

Bible in Tzeltal de Oxchuc y Tenejapa

³⁹ “Pasbeya jlam xan snajt'il c'u' ta lino ta swenta yutil, ch'albil me ta ts'isel. Te sbejch'il pac' ta sjol ja' ni me jich ya apas ta lino. Te xchujq'uil xch'ujt' buen ch'albil me ta ts'isel.

Éxodo 28:39 Referans Kwoze

Salmos 45:14

Ch'albil ta ts'isel te sc'u' slapoj a ya x'ic'ot bahel ta stojol te ajwalil; t'umbil bahel yu'un ach'ixetic te ha smohloltac, ya me yich'ic iq'uel tal ta atojol.

Éxodo 26:36

Ya me apas pac' ta yax, chi'in-yax soc tsajal estambre soc lequil ts'otbil lino scuenta sti'il te Nahilpac' Templo, ha ya'tel te mach'a ya sna' sts'isel.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Éxodo 29:5

Ya me atsac te c'u'uletic, ya me awa'be slap te Aarón te muc'ul c'u'ul, te nahtil c'u'ul ay ta ye'tal te efod, te efod soc te bolsa pac' ya xc'oht ta stahn, soc ya me achuc ta schuhquil sch'uht te efod.

Éxodo 29:6

Ya me axojbe ta sjol te spixjol pac' soc ya me awac' ta spixjol pac' te ch'ul lehchel taquin.

Éxodo 29:8

Soc ya me awac' te ya xnohpojic tal te snich'nab, ya me awa'be slapic te muc'ul c'u'uletique.

Éxodo 39:27

Ha nix hich la spasbeyic ta t'ujbil lino te smuc'ul-c'u' te Aarón soc snich'nab, ha ya'tel mach'a ya sna' jalab;

Levítico 6:10

Te sacerdote ya slap sc'u' soc scomil wex pasbilic ta lino. C'alal lajix ta c'ahq'uel a te scohtol chic'bil mahtanil ya stsobe te stanul ay ta sba te scajtajib, ya yac' hilel ta xuhc te scajtajib ta chiq'uel mahtanil.

Levítico 16:4

Ya slap bahel te ch'ultesbil smuc'ul-c'u' pasbil ta lino, ya slap te comil-wexal pasbil ta lino, ya schuc te schuhquil sch'uht pasbil ta lino, soc ya slap te spixjol lino-pac'. Ha te ch'ul c'u'uletic, ha ya slap te c'alal atinemix a.

Éxodo 27:16

Te yochibal te amac' jtahb xuhc'ubil te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib.