Éxodo 28:36 - Bible in Tzeltal Bachajón

³⁶ Soc ya me apas jun jayal pehchel ta puro oro, ts'ihbaya ochel tey a hich te bin ut'il ya yich' ts'ihbayel ochel sellohetic: CH'ULTESBIL TA STOJOL JEHOVÁ.

Bible in Tzeltal de Oxchuc y Tenejapa

³⁶ “Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Éxodo 28:36 Referans Kwoze

Zacarías 14:20

Ta hich ora hich ya yich' ts'ihbayel ochel ta campanahetic yu'un te cawuhetic: Ch'ultesbil ta stojol Jehová, xchi. Soc te oxometic yu'un te sna Jehová hich ya xc'ohtic te bin ut'il te muc'ul tazahetic yu'un te scajtajib ta chiq'uel mahtanil.

Levítico 8:9

Patil la ya'be ta sjol te spixjol pac', ta stojol sti'ba la ya'be te jayal pehchel oro, ha te ch'ul corona, hich te bin ut'il halbot yu'un Jehová te Moisés.

Éxodo 39:30

La spasic te ch'ul lehchel taq'uin ta puro oro soc la sts'ihbayic ochel tey a hich te bin ut'il ta sello: CH'ULTESBIL TA STOJOL JEHOVÁ.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Hebreos 12:14

Lehahic bin ut'il lamal awo'tanic soc spisil ants-winiquetic, soc lehahic te ch'ultesele; teme mayuc ch'ultesel, mayuc mach'a ya xhu' ya yil te Cajwaltique.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

Ezequiel 43:12

Ha te ley ini yu'un te templo: ta sjoyobal te sba wits mero ch'ultesbil ya xc'oht. Ha te ley ini yu'un te templo, xchi.

Salmos 93:5

Te halbil mandariletic awu'un ma xch'ayic; ha mero yu'un Ana te sbahtel q'uinal ch'ultesbil, Jehová.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Éxodo 28:11

Ya me ats'ihbabe ochel sbihilic te snich'nab Israel ta schebal tonetic hich te bin ut'il ya spas te mach'a ya'telinej spasel sello; pasbeya yawil te tonetic ta oro.

Éxodo 28:9

Ich'a cheb sacliplip tonetic soc ts'ihbabeya ochel tey a te sbihilic te snich'nab Israel;

Éxodo 28:35

Ha ya slap te Aarón c'alal ya spas ya'tel. Ya xchicnaj sc'op te c'alal ya x'och bahel ta ch'ul awilal ta stojol Jehová soc te c'alal ya xloc' tal, hich ma ba ya xcham a.

Éxodo 28:37

Ya me achuc soc yaxal schuhquil ta spixjol pac'; ha ya xc'oht ta stojol yelaw te spixjol paq'ue.

Éxodo 29:6

Ya me axojbe ta sjol te spixjol pac' soc ya me awac' ta spixjol pac' te ch'ul lehchel taquin.

Éxodo 39:31

La schuquic ta yaxal schuhquil yu'un ya yich' jihpanel ta spohtsil sjol, hich te bin ut'il halbot yu'un Jehová te Moisés.

Isaías 23:18

Pero te stojol ya'tel ya x'ac'ot ta stojol Jehová. Ma ba ya yich' q'uejel, ma ba ya yich' tsobel, como te stojol ya'tel ha yu'un ya xc'oht te mach'atic ayic ta stojol Jehová, scuenta yu'un ya xnoj sch'uhtic soc ya slap t'ujbil sc'u' spaq'uic a.

Éxodo 19:6

Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Éxodo 39:27

Ha nix hich la spasbeyic ta t'ujbil lino te smuc'ul-c'u' te Aarón soc snich'nab, ha ya'tel mach'a ya sna' jalab;

1 Crónicas 23:13

Te snich'nab Amram, ha te Aarón soc Moisés. Te Aarón soc te sts'umbal parte ac'otic yu'un ya yaq'uic te mero ch'ultesbil mahtaniletic, ya schiq'uic pom ta stojol Jehová, ya x'a'tejic ta stojol soc ya yaq'uic bendición ta scuenta sbihil Jehová ta spisil ora.