Éxodo 28:30 - Bible in Tzeltal Bachajón

³⁰ Ya me awac' te Urim soc Tumim ta yutil te bolsa pac' ya xc'oht ta stahn yu'un schahpanel c'op scuenta yu'un ay ta yo'tan a te Aarón te c'alal ya x'och bahel ta stojol te Jehová. Hich te Aarón spisil ora ay ta yo'tan a te schahpanel c'op yu'un te snich'nab Israel ta stojol Jehová.

Bible in Tzeltal de Oxchuc y Tenejapa

³⁰ Ac'a ta yutil bolsa te Urim soc te Tumim te ya xtuunic yu'un ta sna'el sc'anjel yo'tan te Diose. Ya me yich' bael ta stan te Aarón ta stojol te Cajwaltique. Te Aarón jich me ya yich' bael ta stan spisil ora ta stojol Cajwaltic te bitic ya xtuun yu'un ta sna'el sc'anjel yo'tan a.

Éxodo 28:30 Referans Kwoze

Nehemías 7:65

Halbotic yu'un te gobernador te ma xhu' ya swe'ic te ch'ultesbil we'eliletic, ha to teme ay sacerdote te ya stuhun te Urim soc Tumim.

Esdras 2:63

Te gobernador la yalbe te ma xhu' ya swe'ic te ch'ultesbil we'eliletic ha to teme ay jtuhl sacerdote te ya sjoc'oy ta scuenta Urim soc Tumim.

Deuteronomio 33:8

Hich la yalbe sc'oblal Leví: Te Tumim soc Urim awu'un, ha'ic yu'un te winic te jun yo'tan ta atojol, ha te la apas ta prueba ta Masah, te mach'a la awut aba soc ta ha'etic yu'un Meriba;

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Levítico 8:8

Ta sba la ya'be te bolsa ya xc'oht ta stahn, tey la yotses a te Urim soc Tumim.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.

Hebreos 9:24

Como te Cristo ma ba och bahel ta ch'ul awilal pasbil ta c'abal, te ha seña te smelelil ch'ul awilal, tey nix och bahel ta ch'ulchan, yu'un ya stehc'an sba ta stojol Dios ta jcuentatic.

Hebreos 9:12

Ma ba och ta scuenta sch'ich'el tat tentsunetic o jcolel wacaxetic, ha och ta scuenta sch'ich'el nix stuquel, och bahel junax buelta ta Mero Ch'ul Awilal, te bin ut'il wehtemix yu'un te colel scuenta sbahtel q'uinal.

Zacarías 6:13

Ha ya spas te templo yu'un Jehová, ay me yutsilal ya xc'oht, ya shuhcan sba ta shuctajib ta cuentahinwanej, soc ya shuhcan sba jtuhl sacerdote ta sts'ehl; lamal q'uinal ya ya'iyic ta schebalic, xchihan me.

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

2 Corintios 12:15

Ha yu'un te ho'one tse'el co'tan ya jlajin bin ay cu'un, soc ya jlajin jba ta acuentahic. Teme bayel xan c'ux ya ca'iyex ta co'tan, ¿jteb nax bal c'ux yac awa'iyon ta awo'tanic te ha'exe?

2 Corintios 7:3

Ma ba hich ya calbeyex yu'un ay amulic ta jtojol; como calbeyejex ta nahilal te ayex ta co'tancotic, ha chican teme cuxulotcotic o teme chamenotcotic.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Éxodo 28:29

Hich te Aarón ya me yich'be ta stahn ta stojol yo'tan te sbihilic te snich'nab Israel ta bolsa pac' ya xc'oht ta stahn yu'un schahpanel c'op te c'alal ya x'och bahel ta ch'ul awilal, scuenta sna'ojibalic ta stojol Jehová spisil ora.