Éxodo 27:20 - Bible in Tzeltal Bachajón

²⁰ Pasa ta mandar te snich'nab Israel te ya yich'ic tal lequil aceite yu'un p'ebil olivahetic yu'un ya yich' tsunel, scuenta yu'un spisil ora ya xtihl te c'ahq'ue.

Bible in Tzeltal de Oxchuc y Tenejapa

²⁰ “Pasa ta mandal te israeletic, ac'a yich'ic tel lequil aceite te loq'uem ta sit olivo, swenta yu'un jich ma xcom ta tilel te c'ajq'uetique.

Éxodo 27:20 Referans Kwoze

Salmos 23:5

Yac achahpambon jwe'el ta mesa ta stojol te jcontratac; yac amalbon aceite ta jol, yac ta malel yu'un snojel te copa cu'une.

Jueces 9:9

Pero la sjac' te olivo: ¿Ya bal c'an quihquitay hilel te aceite cu'un te ya x'ich'ot ta muc' a te Dios soc te winiquetic, yu'un ya jcuentahin te te'etic? xchi.

Éxodo 39:37

te scajtajib c'ahc' pasbil ta puro oro soc te cholol yawilic c'ahc' yu'un, soc spisil te bintic ya xtuhun tey a, te aceite te ya xtuhun yu'un c'ahc' te ya sacubtes q'uinal;

Apocalipsis 11:4

Te cheb testigohetic ha te cheb olivo-te' soc te cheb yawil c'ahc' te tec'ajtic ta stojol te Ajwalil yu'un te bahlumilale.

Éxodo 25:6

aceite yu'un c'ahc', ha'maletic te sumet yic' te ya xtuhun yu'un te aceite yu'un ch'ultesel soc yu'un pom te sumet yic',

Éxodo 27:19

Spisil te bintic ya xtuhun ta Nahilpac' Templo, ha chican banti ya xtuhunic, soc spisil te ts'apbil yich'o-ip yu'un te nahilpac', soc spisil te ts'apbil yich'o-ip yu'un te amac', ya me yich' pasel ta bronce.

Éxodo 35:8

aceite yu'un te tsumbil c'ahc', te bintic sumet yic' yu'un te aceite yu'un ch'ultesel soc yu'un te pom te sumet yic',

Éxodo 35:28

soc la yich'ic tal te bintic sumet yic', aceite yu'un te c'ahq'uetic, aceite yu'un ch'ultesel, soc te pom te sumet yiq'ue.

Éxodo 40:4

Otsesa te mesa soc chahpana ta lec; otsesa te scajtajib c'ahc' soc chahpanlana te yawil c'ahq'ue.

1 Samuel 3:3

Te Samuel wayal ta templo yu'un Jehová te banti ay te scaxahul te chapbil-c'op yu'un Dios, ma to ba tup'en a te tsumbil c'ahc' yu'un Dios.