Éxodo 27:19 - Bible in Tzeltal Bachajón

¹⁹ Spisil te bintic ya xtuhun ta Nahilpac' Templo, ha chican banti ya xtuhunic, soc spisil te ts'apbil yich'o-ip yu'un te nahilpac', soc spisil te ts'apbil yich'o-ip yu'un te amac', ya me yich' pasel ta bronce.

Bible in Tzeltal de Oxchuc y Tenejapa

¹⁹ Spisil te bitic ya xtuun yu'un te ch'ul awilal, ta puro bronce me ya yich' pasel. Jich nix me spisil te estacaetic ta bay spat te Nailpac' Templo soc ta bay scorralil.

Éxodo 27:19 Referans Kwoze

Zacarías 10:4

Ta Judá ya xloc' tal te ton yu'un xuhc na, te ts'apbil-te' yu'un nahilpac', tey ya xloc' a te t'ihmalte' yu'un guerra, soc spisil te jtsobawetique.

Isaías 33:20

Ilawil te Sión, te pueblo yu'un te q'uinetic cu'untique. Ya me awil ta asit te Jerusalén, ha te lugar yu'un lamal q'uinal, ha nahilpac' te ma ba ya yich'ix loq'uesel, soc ma ba ya yich' tuch'el junuc te bin chucul a.

Eclesiastés 12:11

Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Esdras 9:8

Pero yo'tic, ta jts'ihn nax, la ya'botic quilcotic te sc'uxul yo'tan te Jehová te Dios cu'untic, soc la yac' te ay mach'atic ay cu'uncotic te hilemic ta libre soc la yac' te ay jun lugar ta ch'ul awilal yu'un te banti jun co'tancotic ya xhu' ya xnahinotcotic. Hich te Dios cu'uncotic la yac' sacubuc q'uinal ta jsitcotic soc la yac' jcux co'tancotic jts'ihnuc yu'un te mosohinel cu'uncotic.

Números 4:32

te oyetic yu'un te amac' ta sjoyobal soc scajtajibic, te ts'apbil yich'o-ip, schuquilic soc spisil sbiluc soc spisil bintic ya xtuhun tey a. Ya me awa'be sna' jujutuhl bintic a te ya yich'ic bahele.

Números 3:37

soc nix te oyetic ta sjoyobal te yamaq'uil, te scajtajibic, te ts'acticlambil yich'o-ip, soc bintic ya schuquic a.

Éxodo 39:40

te paq'uetic yu'un te amac', te oyetic yu'un soc scajtajib, te pac' yu'un te yochibal te amac', te lazohetic soc te ts'acticlambil yich'o-ip yu'une; soc spisil te bin ya xtuhun yu'un te a'tel ta Nahilpac' Templo, ha te Nahilpac' Templo yu'un tahojibal;

Éxodo 38:31

te jujuntic scajtajib te amac' ta sjoyobal, te jujuntic scajtajib te yochibal te amac', spisil te ts'acticlambil yich'o-ip yu'un te Nahilpac' Templo soc spisil te ts'acticlambil yich'o-ip yu'un te amac' ta sjoyobal.

Éxodo 38:20

Pasbilic ta bronce spisil te ts'acticlambil yich'o-ip yu'un te Nahilpac' Templo soc yu'un te amac' ta sjoyobal.

Éxodo 35:18

te ts'acticlambil yich'o-ip yu'un te Nahilpac' Templo, te ts'acticlambil yich'o-ip yu'un te amac' soc te lazohetic yu'un;

Éxodo 27:3

Pasbeya yawil tan banti ya yich' stsobel, soc palahetic, muc'ul tazahetic, trinchehetic, soc yawil ac'al; ya me apas ta bronce spisil te bintic ya xtuhun yu'une.

Éxodo 27:18

Te snahtil te amac' ho'winic (100) xuhc'ubil, te sjamalil lajuneb yoxwinic (50) xuhc'ubil, soc ho'eb xuhc'ubil stoyolil; te paq'uetic yu'un pasbilic ta ts'otbil lino, soc te scajtajibic pasbilic ta bronce.

Éxodo 27:20

Pasa ta mandar te snich'nab Israel te ya yich'ic tal lequil aceite yu'un p'ebil olivahetic yu'un ya yich' tsunel, scuenta yu'un spisil ora ya xtihl te c'ahq'ue.