Éxodo 27:16 - Bible in Tzeltal Bachajón

¹⁶ Te yochibal te amac' jtahb xuhc'ubil te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib.

Bible in Tzeltal de Oxchuc y Tenejapa

¹⁶ Tey nix ta yochibal te yamac'ul Nailpac' Templo, ay me baluneb metro ya yich' smajq'uil-pac'ul te ch'albil ta ts'isel ta naubil stsotsil chij te bonbil ta morada, púrpura soc tsaj, soc ta ts'otbil lino, chaneb me yoyal soc chaneb me snactijib.

Éxodo 27:16 Referans Kwoze

Éxodo 26:36

Ya me apas pac' ta yax, chi'in-yax soc tsajal estambre soc lequil ts'otbil lino scuenta sti'il te Nahilpac' Templo, ha ya'tel te mach'a ya sna' sts'isel.

Salmos 45:14

Ch'albil ta ts'isel te sc'u' slapoj a ya x'ic'ot bahel ta stojol te ajwalil; t'umbil bahel yu'un ach'ixetic te ha smohloltac, ya me yich'ic iq'uel tal ta atojol.

Jueces 5:30

¿Ma bal ha'uc la stahic pojbil biluquetic soc yaquic ta spucticlanel? ha jtuhl o cha'tuhl ach'ix yu'un te jujutuhle; yu'un Sísara te bombil paq'uetic, bombil paq'uetic te ch'albilic ta ts'isel; te bombil paq'uetic ch'albilic ta ts'isel ta jehch ta jehch, yu'un snehquelic te jtsalawetique, xchi.

Éxodo 39:29

soc nix te schuhquil sch'uht pasbil ta t'ujbil ts'otbil lino, ta yax, chi'in-yax soc tsajal estambre, ha ya'tel te mach'a ya sna' sch'ahlel ta ts'isel, hich te bin ut'il halbot yu'un Jehová te Moisés.

Éxodo 36:37

Soc la spas pac' yu'un te yochibal te Nahilpac' Templo te pasbil ta yax, chi'in-yax soc tsajal estambre, soc ts'otbil lino; t'ujbil ch'albil ta ts'isel.

Éxodo 28:39

Ya me ajal muc'ul c'u'ul ta lino, soc pasa pixjolal pac' ta lino soc schuhquil ch'uhtul ch'albil ta ts'isel.

Éxodo 26:31

Ya me apas jlihc tsalul pac' ta yax, chi'in-yax soc tsajal estambre soc lequil ts'otbil lino. T'ujbil me ya yich' ch'alel ta ts'isel ta querubinetic.

Éxodo 27:15

Ta yan jehch, lajuneb yoxwinic (50) xuhc'ubil, soc oxeb yoyal soc oxeb scajtajib.

Éxodo 27:17

Spisil te yoyal ta sjoyobal te amac' ya yich' sch'ocowil ta plata. Te sganchohil pasbilic ta plata soc te scajtajib pasbilic ta bronce.

Números 3:26

te paq'uetic yu'un te yamaq'uil, te pac' yu'un te yochibal te yamaq'uil ay ta sjoyobal te Nahilpac' Templo soc te scajtajib ta chiq'uel mahtanil, soc te lazohetic yu'un; spisil bintic ya sc'an pasel tey a.