Éxodo 26:36 - Bible in Tzeltal Bachajón

³⁶ Ya me apas pac' ta yax, chi'in-yax soc tsajal estambre soc lequil ts'otbil lino scuenta sti'il te Nahilpac' Templo, ha ya'tel te mach'a ya sna' sts'isel.

Bible in Tzeltal de Oxchuc y Tenejapa

³⁶ “Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.

Éxodo 26:36 Referans Kwoze

Éxodo 36:37

Soc la spas pac' yu'un te yochibal te Nahilpac' Templo te pasbil ta yax, chi'in-yax soc tsajal estambre, soc ts'otbil lino; t'ujbil ch'albil ta ts'isel.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 10:9

Ho'on te ti'corralon, te mach'a ho'on ta jcuenta te ya x'och bahel, ya me xcol; ya x'och soc ya xloc', soc ya sta swe'el.

Salmos 78:60

Ha yu'un la yihquitay te nahilpac' templo ta Silo, te nahilpac' banti nahinem ta yohlil te ants-winiquetique.

2 Samuel 7:6

Mayuc bin ora nahinon ta na c'alal la jloq'ues tal ta Egipto te snich'nab Israel c'alal ora, bayuc nax nahinon ta nahilpac' te tuhun yu'un ch'ul awilal.

Números 9:15

Te bin c'ahc'alil te la yich' tehc'anel te Nahilpac' Templo, te tocal la yaxintes te Nahilpac' yu'un te Testigo-c'op. Ta yihc'ubel q'uinal ha to c'alal ta sacubel q'uinal ay ta sba te Nahilpac' Templo, hich yilel te bin ut'il c'ahc'.

Números 3:25

Ta banti te Nahilpac' Templo yu'un tahojibal ha hil ta scuenta te snich'nab Gersón scanantayel te nahilpac' soc smuhquil, te pac' yu'un te yochibal te Nahilpac' Templo yu'un tahojibal,

Éxodo 39:33

La yich'ic tal te Nahilpac' Templo ta stojol Moisés, ha te nahilpac' soc spisil te bintic ya xtuhun tey a: te ganchohetic, tablahetic, sc'atal-te'eletic, oyetic, soc scajtajib yu'unic;

Éxodo 35:11

ha te Nahilpac' Templo soc spac'al, smuhquil, sganchohetic, stablahul, sc'atal-te'el, yoyal soc scajtajib;

Éxodo 26:31

Ya me apas jlihc tsalul pac' ta yax, chi'in-yax soc tsajal estambre soc lequil ts'otbil lino. T'ujbil me ya yich' ch'alel ta ts'isel ta querubinetic.

Éxodo 27:16

Te yochibal te amac' jtahb xuhc'ubil te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib.

Éxodo 28:39

Ya me ajal muc'ul c'u'ul ta lino, soc pasa pixjolal pac' ta lino soc schuhquil ch'uhtul ch'albil ta ts'isel.

Éxodo 38:18

Te pac' ta yochibal te amac' t'ujbil ch'albil ta ts'isel ta yax, chi'in-yax soc tsajal estambre, soc ts'otbil lino; ha jtahb (20) xuhc'ubil snahtil soc ho'eb xuhc'ubil stoyolil, pajal soc spac'al te amac'.

Éxodo 39:29

soc nix te schuhquil sch'uht pasbil ta t'ujbil ts'otbil lino, ta yax, chi'in-yax soc tsajal estambre, ha ya'tel te mach'a ya sna' sch'ahlel ta ts'isel, hich te bin ut'il halbot yu'un Jehová te Moisés.

Ezequiel 16:10

La jca'bat alap t'ujbil ch'albil c'u'ul, la jca'bat alap nuhcul tepil, la jchucbat ach'uht ta lino soc la jca'bat alap seda.

Éxodo 28:15

Ya me apas te bolsa pac' ya xc'oht ta stahn scuenta schahpanel c'op, buen ch'albil ta ts'isel; hich nix xapas te bin ut'il te efod: ha ta oro, soc ta yax, chi'in-yax soc tsajal estambre, soc ts'otbil lino.

Éxodo 35:15

te scajtajib ta chiq'uel pom soc sq'uechojibal, te aceite yu'un ch'ultesel, te pom te sumet yic', te pac' yu'un te yochibal te Nahilpac' Templo;

Éxodo 40:5

Ya me awac' ta stojol te scaxahul Testigo-c'op te scajtajib schic'ojibal pom pasbil ta oro, soc ya me ajohc'an te pac' ta yochibal te Nahilpac' Templo.