Éxodo 26:31 - Bible in Tzeltal Bachajón

³¹ Ya me apas jlihc tsalul pac' ta yax, chi'in-yax soc tsajal estambre soc lequil ts'otbil lino. T'ujbil me ya yich' ch'alel ta ts'isel ta querubinetic.

Bible in Tzeltal de Oxchuc y Tenejapa

³¹ “Ya me apas pac' te ya atsal ta maquel a te yutil ch'ul awilal. Jalbil me ta naubil stsotsil chij te bonbil ta morada, púrpura soc tsaj, soc ta ts'otbil lino. T'ujbil me ya yich' ch'alel ta ts'isel ta pasel sloc'ombail tey a te querubinetique.

Éxodo 26:31 Referans Kwoze

San Mateo 27:51

Ta hich ora jats ta ohlil te pac' tsalbil a te Templo, hahch tal ta jatsel ta toyol, loc' ta yoc; nihc te q'uinal, top' te muc'ul tonetic;

2 Crónicas 3:14

Soc la spas te jlihc tsahlul pac' ta yax, chi'in-yax, soc tsajal estambre soc lequil lino, soc la yac' ta ch'alel ta ts'isel sloc'omba querubinetic tey a.

Éxodo 36:35

Soc la spas te tsalul pac' ta yax, chi'in-yax soc tsajal estambre, soc ta ts'otbil lino; buen t'ujbil la sch'ahl ta ts'isel te querubinetic.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Éxodo 36:8

Spisil te mach'atic ay sp'ijil yo'tanic ta yohlil te mach'atic ayic ta a'tel, la spasic lajunlihc pac' ta ts'otbil lino, ta yax, chi'in-yax soc tsajal estambre yu'un te Nahilpac' Templo; soc buen t'ujbil la sch'ahlic ta ts'isel ta sloc'omba querubinetic.

Éxodo 26:1

Ya me apas te Nahilpac' Templo ta lajunlihc lino-pac' jalbil soc yax, chi'in-yax soc tsajal estambre, ya me apas soc querubinetic te buen t'ujbil pasbile,

Efesios 2:14

Ha lamal q'uinal cu'untic, la yac' te jun ya xc'oht schebal te pueblohetic, la sjin te ts'ahc macal ta ohlil;

San Marcos 15:38

Jats ta ohlil te pac' tsalbil a te Templo, hahch ta jatsel ta sba, loc' ta yoc.

Cantares 7:1

¡C'ax t'ujbil awoc ta atep, yantsil-nich'anat príncipe! Te seplejal acub pajal soc ch'albil oro, ha ya'tel te mach'a ya sna' spasel.

Salmos 137:5

Teme ya xch'ayat ta co'tan, Jerusalén, ac'a taquijuc te jwa'el-c'ab.

Levítico 16:15

Patil ya smil te tat tentsun scuenta mahtanil yu'un smul te pueblo, ya yich'be ochel te sch'ich'el ta yutil te tsalul pac'; hich ya spas te bin ut'il la spasbe te sch'ich'el te jcolel toro, ya stsihtsimbe ta sba soc ta stojol te yawil stahel perdón.

Éxodo 40:21

Patil la yotses te scaxahul te chapbil-c'op ta yutil te Nahilpac' Templo, la st'im te pac', hich la smac a te scaxahul te chapbil-c'op, hich te bin ut'il halbot yu'un Jehová te Moisés.

Éxodo 40:3

Otsesa tey a te scaxahul Testigo-c'op, ya me amac ta tsalul pac'.

Éxodo 38:23

soc joquinot yu'un te Aholiab snich'an Ahisamac, te sts'umbal Dan, ha te ya sna' stenel taq'uin soc te ya sna' schahpanel bin yilel ta sp'isel, soc sch'ahlel ta ts'isel yax, chi'in-yax soc tsajal estambre, soc t'ujbil lino.

Éxodo 35:35

Ha la snojesbe ta yo'tanic scuenta sna'el spasel spisil bin t'ujbil ay soc scuenta sp'isel, soc sch'ahlel ta ts'isel ta yax, chi'in-yax soc tsajal estambre, ta ts'otbil lino, soc sjalel; ya xhu' yu'unic spasel spisil a'tel soc schahpanel bintic ay ta pasel.

Éxodo 35:25

Soc spisil te antsetic te ay sp'ijil yo'tanic la ya'iyic nahujel, soc la yich'ic tal te bin nahuybil yu'unic: ha te yax, chi'in-yax soc tsajal estambre, o ts'otbil lino.

Éxodo 35:6

yax, chi'in-yax soc tsajal estambre, lequil ts'otbil lino, stsotsel tentsun,

Éxodo 28:15

Ya me apas te bolsa pac' ya xc'oht ta stahn scuenta schahpanel c'op, buen ch'albil ta ts'isel; hich nix xapas te bin ut'il te efod: ha ta oro, soc ta yax, chi'in-yax soc tsajal estambre, soc ts'otbil lino.

Éxodo 25:18

Soc pasa cheb querubinetic ta oro ta jehch ta jehch te yawil stahel perdón, tembilic ta martillo.

Éxodo 25:4

yax, chi'in-yax soc tsajal estambre, soc t'ujbil lino, stsotsel tentsun,

San Lucas 23:45

Mahc sit te c'ahc'al, soc jats ta ohlil te tsahlul pac' ta Templo.

Éxodo 26:32

Ya me ajohc'an soc ganchohetic pasbil ta oro ta chaneb yoyal pasbilic ta acacia-te' soc potsbilic ta oro te ayic ta scajtajib pasbilic ta plata.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Éxodo 36:36

La spasbe chaneb yoyal ta acacia-te' soc la spots ta oro; ha nix hich pasbil ta oro te ganchohetic yu'un, soc la yuhltesbe ta pasel chaneb scajtajib ta plata.

Éxodo 27:16

Te yochibal te amac' jtahb xuhc'ubil te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib.

Éxodo 35:12

te scaxahul te chapbil-c'op soc sq'uechojibal, te yawil stahel perdón, te tsalul pac';

Números 4:5

Te c'alal ya xhahchic ta behel te pueblo, te Aarón soc snich'nab ya xtal scolticlan te tsalul pac', ya smuquic a te scaxahul te chapbil-c'op;