Éxodo 25:40 - Bible in Tzeltal Bachajón

⁴⁰ Hich me xapas te bin ut'il la jca'bat awil ta wits.

Bible in Tzeltal de Oxchuc y Tenejapa

⁴⁰ Ya me anop ta lec te señail, yu'un jich me ya apas te bit'il la cac'bat awil ta witse.

Éxodo 25:40 Referans Kwoze

Hebreos 8:5

Te ya'telic ha seña soc ha yaxinal te bintic ay ta ch'ulchan, hich te bin ut'il a'bot sna' te Moisés c'alal hahch spas te nahilpac' templo, te hich halbot: Ilawil, pasa spisil hich te bin ut'il ay te seña la jca'bat awil ta wits, te xchihe.

Hechos 7:44

C'alal ayic ta jochol taquin q'uinal a, te jme'jtatic yich'ojic te Nahilpac' Templo yu'un te testigo-c'op te halbot yu'un Dios te Moisés te hich me ya spasic te bin ut'il a'bot yil.

Éxodo 26:30

Ya me achahpan te Nahilpac' Templo hich te bin ut'il a'botat awil ta wits.

Números 8:4

La yich' pasel te scajtajib c'ahc' ta oro tembil ta martillo; c'alal ta yoc ha to ta snich tembil ta martillo. Hich la spas te scajtajib c'ahc' te bin ut'il te seña a'bot yil yu'un Jehová te Moisés.

Éxodo 25:9

Spisil te bin ya ca'bat awil, hich me xapas te Nahilpac' Templo soc spisil te bintic ya xtuhun tey a.

1 Crónicas 28:19

La yal te David: Spisil ini ts'ihbabil te bin la ya'bon jna' te Jehová, la ya'bon jna' spisil te a'tel te ay ta plano, xchi.

1 Crónicas 28:11

Te David la ya'be Salomón te snich'an te plano yu'un slehchelul te Templo, te nahetic yu'un, sq'uejojibal biluquetic, cha'cajal nahetic, te tsahlaltsahl ta yutil, soc te jtsahl yu'un te yawil stahojibal perdón.

Éxodo 25:39

Ta jun talento puro oro yac apas te scajtajib c'ahc' soc spisil te bintic ya xtuhun yu'une.

Éxodo 27:8

Te scajtajib ta chiq'uel mahtanil ya me apas ta tabla, soc jochol ta yutil. Hich me yac apas te bin ut'il a'botat awil ta wits.

Éxodo 31:11

te aceite yu'un ch'ultesel, soc te pom te sumet yic' te ya xtuhun ta ch'ul awilal. Ya me spasic spisil hich te bin ut'il la jcalbat, xchi.

Éxodo 36:2

Te Moisés la yic' tal te Bezaleel, Aholiab soc spisil te mach'atic ay sp'ijilic ta spasel te bintic t'ujbil ta pasel, te a'botic sp'ijil yo'tanic yu'un te Jehová, spisil te mach'atic tijbot yo'tanic yu'un ya xtal spasic te a'tel tey a.

Josué 22:28

Ha yu'un la jcalcotic: Teme ta patil hich ya yalbotcotic o teme ya yalbeyic te jts'umbalcotic, hich ya jsuhtbecotic te sc'opic: Ilawil bin yilel te scajtajib ta chiq'uel mahtanil yu'un Jehová la spasic te jme'jtatcotique, ma yu'unuc scuenta scohtol chic'bil mahtaniletic o chic'bil mahtaniletic, pero scuenta testigo cu'untic, xchihotcotic me ta stojolic.

2 Crónicas 4:7

La spas lajuneb scajtajib c'ahc' ta oro, hich yilel te bin ut'il halbil mandar, la yac' ta Templo, ho'eb ta stojol sur soc ho'eb ta stojol norte.