Éxodo 25:22 - Bible in Tzeltal Bachajón

²² Tey ya jta jbahtic a ta sba te yawil stahel perdón, ta yohlil te cheb querubinetic te ay ta sba te scaxahul Testigo-c'op, tey ya calbat a spisil te jmandar yu'un te snich'nab Israel.

Bible in Tzeltal de Oxchuc y Tenejapa

²² Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.

Éxodo 25:22 Referans Kwoze

Números 7:89

C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.

Isaías 37:16

Jehová te acuentahinej spisil, Diosat yu'un Israel te huculat ta ahuctajib ta yohlil te querubinetic, ha'at nax Diosat atuquel ta stojol spisil te nacionetic ta bahlumilal; ha'at la apas te ch'ulchan bahlumilal.

Salmos 80:1

Jcananat yu'un Israel, a'iya me awa'iy; ha'at te yac awic' bahel te José hich te bin ut'il jchahp tuminchijetic; ha'at te huculat ta yohlil te querubinetic, sacubtesa q'uinal.

2 Reyes 19:15

Hich la yal ta sc'oponel Jehová te Ezequías: Jehová, Dios yu'un Israel, te huculat ta yohlil te querubinetic, ha'at nax Diosat atuquel ta stojol spisil te ajwaliletic ta bahlumilal, ha'at la apas te ch'ulchan soc te bahlumilal.

1 Samuel 4:4

Hich te pueblo la sticonic bahel winiquetic ta Silo, la yich'ic tal te scaxahul te chapbil-c'op yu'un Jehová te scuentahinej spisil, te nahinem ta yohlil te querubinetic. Te schebal snich'nab Elí, ha te Ofni soc Finees, sjoquinejic te scaxahul te chapbil-c'op yu'un Dios.

Números 17:4

Yac awac'ticlan ta Nahilpac' Templo yu'un tahojibal ta stojol te Testigo-c'op.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Salmos 99:1

Te Jehová ha ajwalil, ya xnihc te pueblohetic yu'un. Hucul ta smuc'ul-huctajib ta yohlil te querubinetic, ya snihc sba te lumq'uinale.

2 Samuel 6:2

Hahch bahel ta Baala ta Judá soc spisil te winiquetic sjoquinej, yu'un ya yich' mohel tey a te scaxahul te chapbil-c'op yu'un Dios, te banti ya yich' halbeyel sbihil te Jehová te scuentahinej spisil, te hucul ta yohlil te querubinetique.

Éxodo 30:36

Ya me ajuch' ta lec j'ohliluc, ya me awac' ta stojol te yawil Testigo-c'op te ay ta Nahilpac' Templo yu'un tahojibal, ta banti ya jta jbahtic. Mero ch'ultesbil me ya xc'oht awu'unic.

Éxodo 30:6

Ya me awac' te scajtajib ta chiq'uel pom ta stojol te tsalul pac' macal a te scaxahul Testigo-c'op, ta stojol te yawil stahel perdón te ay ta sba te Testigo-c'op, te banti ya jta jbahtic ta c'op.

Jueces 20:27

Te snich'nab Israel la sjoc'obeyic te Jehová (yu'un ha yorahil a te tey ay a te scaxahul te chapbil-c'op yu'un Dios,

Salmos 90:1

Cajwal, ha'at ahnibalat cu'uncotic ta cajalcaj ts'umbalil.

Levítico 1:1

Te Jehová la yic' te Moisés, la sjuc ta c'op c'alal ta Nahilpac' Templo yu'un tahojibal, hich la yalbe:

Éxodo 31:18

Te c'alal laj yo'tan ta c'op soc Moisés ta wits Sinaí, la ya'be cha'pehch ton yu'un te Testigo-c'op, ha pehchel tonetic te la sts'ihbay ta yal sc'ab te Diose.

Éxodo 31:6

Soc la jca'be sjoquin ta a'tel te Aholiab snich'an Ahisamac, te sts'umbal Dan. Soc spisil te mach'atic ya sna'ic spasel a'tel la jca'beyix sp'ijil yo'tanic scuenta yu'un ya xhu' ya spasic spisil te bin la jcalbat ta mandar:

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Génesis 18:33

C'alal laj yo'tan ta c'op soc Abraham baht te Jehová; yan te Abraham suht bahel ta sna.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

1 Crónicas 13:6

Te David mo bahel soc spisil Israel ta Baala, ha te Quiriat-jearim te ay ta sq'uinal Judá, scuenta yu'un ya yich'ic tal te scaxahul te chapbil-c'op yu'un te Jehová Dios te nahinem ta yohlil te querubinetic, te banti ya yich' c'oponel ta scuenta sbihil.

Salmos 80:2

¡Ac'a hahchuc awu'el ta stojol Efraín, Benjamín soc Manasés; la', coltayawotcotic!

Ezequiel 43:6

C'alal teq'uel ta jts'ehl te winique, la jca'iy te ay mach'a ya sc'oponon c'alal ta templo.