Éxodo 25:10 - Bible in Tzeltal Bachajón

¹⁰ Ya me spasic scaxahul te chapbil-c'op ta acacia-te', j'ohlil yoxeb xuhc'ubil snahtil, j'ohlil scheb xuhc'ubil sjamalil, soc j'ohlil scheb xuhc'ubil stoyolil.

Bible in Tzeltal de Oxchuc y Tenejapa

¹⁰ “Pasa jun cajón ta acacia. Te sp'isole jun metro soc lajuneb centímetro te snajt'ile, jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale.

Éxodo 25:10 Referans Kwoze

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

2 Crónicas 8:11

Te Salomón la yic' loq'uel te yantsil-nich'an faraón ta Pueblo yu'un David, la yac' ta na te la spasbe, yu'un la yal: Te quihnam ma ba ya xnahin ta sna David te ajwalil yu'un Israel, como ch'uhltesbilic te banti ochem te scaxahul te chapbil-c'op yu'un Jehová, xchi.

Éxodo 35:12

te scaxahul te chapbil-c'op soc sq'uechojibal, te yawil stahel perdón, te tsalul pac';

Números 3:31

Ha ay ta scuentahic scanantayel te scaxahul te chapbil-c'op, te mesa, scajtajib c'ahc', te scajtajibic ta chiq'uel mahtanil soc pom, bintic ya xtuhun scuenta a'tel ta ch'ul awilal, te tsalul pac' soc spisil te bintic ay ta pasel tey a.

Números 4:5

Te c'alal ya xhahchic ta behel te pueblo, te Aarón soc snich'nab ya xtal scolticlan te tsalul pac', ya smuquic a te scaxahul te chapbil-c'op;

Éxodo 31:7

ha te Nahilpac' Templo yu'un tahojibal, te scaxahul Testigo-c'op, te yawil stahel perdón te ay ta sba, soc spisil te bintic ya xtuhun yu'un te Nahilpac' Templo;

Éxodo 39:32

Hich hu' spisil te a'tel yu'un te Nahilpac' Templo, ha te Nahilpac' Templo yu'un tahojibal. Te snich'nab Israel la spasic spisil hich te bin ut'il halbot yu'un Jehová te Moisés.

Números 4:6

ta sba ya smuquic ta nuhculetic, ta sba xan ya slimbeyic yaxal pac'; soc ya yotseslambeyic te sq'uechojibale.