Éxodo 24:17 - Bible in Tzeltal Bachajón

¹⁷ Te yutsilal Jehová hich yilel la yilic te snich'nab Israel te bin ut'il jlajinwanej c'ahc' ta ba wits.

Bible in Tzeltal de Oxchuc y Tenejapa

¹⁷ Te xojobil Cajwaltic jul ta stojolic te israeletique. Jich chicnaj tel ta sitic ta bay mero slajibal sjol te wits jich bit'il c'ajc' te ya xlajinwan te yipe.

Éxodo 24:17 Referans Kwoze

Hebreos 12:29

Como te Dios cu'untic, hich ay te bin ut'il c'ahc' te ya xlajinwan.

Hebreos 12:18

Ma ba nohpojemex ta wits te ya xhu' ta piquel soc te yac ta tihlel c'ahc' tey a; ma ba nohpojemex ta spimil yihc'al q'uinal, ta yihc'al q'uinal soc ta ic'al ha'al,

Deuteronomio 4:36

C'alal ta ch'ulchan la ya'bat awa'iybe sc'op scuenta ap'ijubtesel; soc ta lumq'uinal la ya'bat awil te muc'ul c'ahc' yu'un, soc la awa'iybe sc'op ta yohlil te c'ahq'ue.

Éxodo 3:2

Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Deuteronomio 4:24

como te Jehová te Dios awu'un ha c'ahc' te ya xlajinwan, ha Dios te xut'et yo'tan.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Ezequiel 1:27

Ta sch'uyomba mohel la jquil hich yilel te bin ut'il bronce te sch'ulet, hich yilel te bin ut'il c'ahc' ta yutil ta sjoyobal. Soc ta sch'uyomba cohel la jquil te pajal soc c'ahc' yilel soc ay sts'anabul ta sjoyobal.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Ezequiel 1:28

Hich te bin ut'il xojob te ay ta tocal te c'alal ay ha'al, hich yilel te sts'anabul ta sjoyobal. Hich yilel te nahalsitil yu'un te bin yilel te yutsilal te Jehová. Te c'alal la jquil, la jpahcan jba c'alal ta lum, soc la jca'iybe sc'op te mach'a c'opoje.

Éxodo 19:11

scuenta yu'un chapalic a te cha'beje; yu'un cha'bej ya me yilic te pueblo te ya xco tal ta wits Sinaí te Jehová.

2 Samuel 22:9

Loc' ch'ahil ta sni', loc' lajinwanej c'ahc' ta ye, soc loc' tsumbil ac'aletic.

2 Samuel 22:13

Ta sts'anabul ta stojol loc' bahel tsumbil ac'aletic.