Éxodo 24:11 - Bible in Tzeltal Bachajón

¹¹ Pero ma ba la shach sc'ab ta scontrahinel te príncipaletic yu'un te snich'nab Israel; la yilic te Diose, soc we' uch'ic.

Bible in Tzeltal de Oxchuc y Tenejapa

¹¹ Ma'yuc bila pasbotic yu'un Dios te israeletic te bit'il la yilique. We'ic, uch'ajic ta spisilic.

Éxodo 24:11 Referans Kwoze

Éxodo 18:12

Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose.

Éxodo 19:21

Te Jehová hich la yalbe te Moisés: Cohan bahel, halbeya te pueblo te ma me xc'axic tal ta seña sti'il ta yilel te Jehová, yu'un tsobol me ya xlajic yu'un.

Génesis 31:54

La yac' milbil mahtanil tey ta wits, soc la yic' tal ta we'el te yermanotac. Tey we'ic a soc tey wayic a.

Génesis 16:13

Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi.

Jeremías 14:3

Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Eclesiastés 9:7

Bahan, tse'eluc me awo'tan ya xwe'at, soc tse'eluc me awo'tan yac awuch' te vino awu'une, como lequix yo'tan Dios yu'un te awa'tele.

Nehemías 2:16

Te mach'atic ay ya'telic ma ba la sna'ic banti c'ohon soc te bin jpasoj; ma to ba calbeyej te judiohetic o te sacerdotehetic, te mach'atic ich'bilic ta muc', te mach'atic ay ya'telic, o te yantic te yaquic ta spasel te a'tele.

2 Crónicas 23:20

Patil la yic' tal te jtsobawetic yu'un ho'ho'winic (100), te príncipaletic, te mach'atic scuentahinej te pueblo, soc spisil te ants-winiquetic yu'un te q'uinal, yu'un ya yiq'uic loq'uel ta sna Jehová te ajwalil. Ochic bahel ta ti'nahil ta ahc'ol ta sna ajwalil, la shuhcanic te ajwalil ta shuctajib.

1 Reyes 21:8

Ha yu'un te Jezabel la spas cartahetic ta scuenta sbihil Acab, la ya'be te sello yu'un, la sticombe te mamaletic soc te príncipaletic te nahinemic ta pueblo yu'un Nabot.

Jueces 13:22

Te Manoa hich la yalbe te yihnam: Ya me xchamotic, yu'un la jquiltiquix te Diose, xchi.

Jueces 5:13

Hich cohic tal te mach'a hilemic yu'un te mach'a ich'bilic ta muc'; te pueblo yu'un Jehová behenic bahel ta scuenta, ta scontrahinel te mach'atic ay yipique.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Deuteronomio 4:33

¿Ay bal yan pueblo te ya'iybeyej sc'op te Dios te yac ta c'op ta yohlil te c'ahc', hich te bin ut'il la awa'iy, te ma ba cham yu'une?

Números 21:18

ha te pozo te la sjoq'uic te mach'atic ich'bilic ta cuenta, te la sjoq'uic te príncipaletic yu'un te pueblo, la sjoq'uic soc sbastonic, xchihic. Ta jochol taquin q'uinal behenic bahel c'alal ta Matana;

Éxodo 24:1

Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

Daniel 10:17

¿Bin ut'il c'an hu'uc yu'un te a'bat awu'un te ya sc'oponat, tatil, como lajemix quip soc wocoltic ya quich' ic'? xchihon.

Salmos 139:5

Yac ajoytayon ta nahil soc ta jpat, yac awac' ac'ab ta jtojol.