Éxodo 23:7 - Bible in Tzeltal Bachajón

⁷ Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.

Bible in Tzeltal de Oxchuc y Tenejapa

⁷ “Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Éxodo 23:7 Referans Kwoze

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Deuteronomio 27:25

Chopol sc'oblal te mach'a ya yich' taq'uin yu'un smilel te mach'a mayuc smul, xchihic. Hichuc, xchihic me spisil te pueblo.

Éxodo 34:7

ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

Éxodo 23:1

Ma xawal te bin scuenta lehaw ta c'op. Ma junuc xawac' aba soc te mach'a chopol yo'tan ta yalel te bin ma meleluque.

1 Tesalonicenses 5:22

Coma abahic yu'un spisil bintic chopol.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Romanos 1:18

Ya xchicnaj c'alal ta ch'ulchan te yilimba Dios ta stojol spisil mach'atic ma xyich'ic ta muc' te Dios soc te bintic chopol ya spasic, te ha ta scuenta schopol a'telic ya scomic te bin smelelil,

San Lucas 3:14

Soc ay soldadohetic la sjoc'obeyic: ¿Haxan te ho'otcotic, bin ya cut jbahcotic? xchihic. Ma me ayuc mach'a yac apojbe staq'uin soc ma me tojoluc nax yac alehbeyic smul yan. Soc junuc me awo'tanic te jayeb yaquex ta tojele, xchi te Juan.

Nahúm 1:3

Te Jehová ma orahuc ya x'ilin soc ay bayel yu'el, ma ba ya yal te mayuc smul te mach'a ay smule. Te Jehová ya xbehen ta yic'al-ha'al soc ta sutu-ic', soc te tocaletic ha ts'u'lum ta yoc.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Proverbios 17:15

Te mach'a ya yac' ta libre te mach'a ay smul, soc te mach'a ya yac' ta lajel te mach'a mayuc smul, ihlaybil schebal yu'un te Jehová.

Job 22:23

Teme yac apehc'an aba soc teme ya suhtat ta stojol te Mach'a spisil ya xhu' yu'un, soc yac aloq'ues ta anahilpac' te bin chopole,

Éxodo 20:13

Ma me xawa'iy milaw.

Génesis 18:23

Nohpoj xan bahel te Abraham, hich la yal: ¿Pajal bal yac awac' lajuc soc mach'a chopol yo'tan te mach'a toj yo'tan?

Éxodo 20:16

Ma me xawal te bin ma meleluc ta stojol apat-axuhc.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

Deuteronomio 25:1

Teme ay mach'atic ay c'op yu'unic, teme ya xbahtic ta meltsajibal yu'un te juecetic yu'un ya schahpanic, ha'ic ya yalic te mach'a mayuc smul soc te mach'a ay smule.

Salmos 94:21

Ya schap sc'opic ta scontrahinel te mach'a toj yo'tan, soc ya yaq'uic ta lajel te mach'a mayuc smul.

Salmos 119:29

Ma xawac'on ta sbehlal lot; ta scuenta sc'uxul awo'tan a'bon jnop te Ley awu'une.

Proverbios 11:21

Te mach'atic chopol yo'tanic, ya me yich'ic castigo ta mero melel, yan te mach'atic toj yo'tanic, libre ya xc'ohtic.

Isaías 5:20

¡Ay me swocolic te mach'atic ya yalic te lec te bin ma lecuc soc te ma lecuc te bin leque; te ya sc'atp'unic ta yihc'al q'uinal te sacal q'uinal, soc ta sacal q'uinal te yihc'al q'uinale; te ya sc'atp'unic ta ch'a te bin chi', soc ta chi' te bin ch'a!