Éxodo 23:6 - Bible in Tzeltal Bachajón

⁶ Ma xawac' te ma ba toj ya yich' chahpanel te c'op yu'un te pobre.

Bible in Tzeltal de Oxchuc y Tenejapa

⁶ “Ma me xach'aybey sc'oplal ta c'uxtayel ta stojol jchajbanwanejetic te mach'a ma'yuc bila ay yu'une.

Éxodo 23:6 Referans Kwoze

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Jeremías 5:28

Juhp'ic soc t'ujbil ta ilel, c'ax bayel bintic chopol ya spasic. Ma ba toj la schahpanic te me'ba' yu'un lec ya xc'ohtic. ¡Ma ba c'opojic yu'un te pobrehetique!

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Deuteronomio 27:19

Chopol sc'oblal te mach'a ya sjimbe te bin stojil ay ta pasel ta stojol jyanlum, me'ba' alal o me'ba' ants, xchihic. Hichuc, xchihic me spisil te pueblo.

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

Levítico 19:15

Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Jeremías 6:28

Spisilic ha jtoybahetic, ya xleyawanic ta c'op. Ha bronce soc hierro c'ohemic, spisil chopolic.

Job 31:13

Teme mayuc sc'oblal c'oht ta co'tan te bin stojil la sc'an pasel ta stojol te a'bat soc criada cu'un te c'alal la stijonic ta c'op,

2 Crónicas 19:7

Ha yu'un, ich'ahic ta muc' te Jehová, tsahtayahic te bin yac apasic, como te Jehová te Dios cu'untic ma ha'uc te ma tojuc ya xchahpanwan, ma tsahbiluc nax mach'a ya sc'uxultay soc mayuc chahpanel yu'un ta scuenta taq'uin, xchi.

1 Samuel 8:3

Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

Proverbios 18:5

Ma lecuc te lec awo'tan yu'un te mach'a chopol, soc sch'aybeyel te bin toj ta pasel ta stojol te mach'a mayuc smul.

Proverbios 22:22

Ma me xawelc'an te pobre ta scaj te ha pobre, soc ma me xaten ta c'op ta yochibal te pueblo te mach'a mayuc bin ay yu'un,

Proverbios 31:5

yu'un ya xch'ay ta yo'tanic te ley teme yuch'ojique, hich ma stojiluc ya schahpanic te mach'atic ayic ta uts'inel.

Isaías 5:23

te mach'atic ta scaj taq'uin ya yalic te mayuc smul te mach'a ay smul, soc mayuc ta cuenta yu'unic te mach'a mayuc smule!