Éxodo 23:33 - Bible in Tzeltal Bachajón

³³ Ma xawac' nahinicuc ta aq'uinal, teme repente ya ya'bat ale amul ta jtojol ta sch'uhunel te diosetic yu'unic, te ha ayacolic ya xc'oht, xchi te Jehová.

Bible in Tzeltal de Oxchuc y Tenejapa

³³ Ma me xawac' te ya x'ainic ta alumal, swenta yu'un ma me xyac'bat ale amul ta jtojol. Teme baex ta xch'uunel te diosetic yu'unique, ch'ayex me abi —xi' te Cajwaltique.

Éxodo 23:33 Referans Kwoze

Salmos 106:36

La sch'uhuntayic te loc'ombahetic yu'unic, te ha sjinojibal c'ohtic yu'unic.

Deuteronomio 7:16

Yac alajinlan spisil te pueblohetic te ya ya'bat te Jehová te Dios awu'une; ma me xana'be yo'bolil sbahic soc ma me xach'uhuntay te diosetic yu'unic, como ha c'ohchinojibal awu'un ya xc'oht.

Jueces 2:3

Ha yu'un hich ya cal: Ma ba ya jloq'ueslan bahel ta atojolic, hich ya xc'ohtic te bin ut'il ch'ix ta amochbaquel, soc te diosetic yu'unic ha ac'ohchinojibalic ya xc'ohtic, xchi.

Josué 23:13

na'ahic me te Jehová te Dios awu'unic ma ba ya sloq'uesbeyexix bahel ta awohlilic te nacionetic ini, hich ya xc'ohtic ta atojolic te bin ut'il lazo, ayacolic, smajojibal apatic soc ch'ix ta asitic, ha to c'alal ya xtup'ex bahel ta lequil q'uinal ini te la ya'beyex Jehová te Dios awu'unique.

Éxodo 34:12

Tsahtaya aba te manchuc yac achap ac'op soc te mach'atic ya xnahinic tey ta q'uinal banti ya x'ochat, scuenta yu'un ma ha'uc ayacol ya xc'ohtic ta awohlil.

Deuteronomio 12:30

tsahtaya me aba te ma ba yac ac'ohchin aba yu'un st'unel bahel te bin ya spasic, te c'alal lajimbilix ta atojol a; ma me xajoc'obe sc'oblal te diosetic yu'unic, te hich yac awal: Te nacionetic ¿bin ut'il la sch'uhuntayic te diosetic yu'unic, yu'un hich nix ya jch'uhuntay? te xchihate.

2 Timoteo 2:26

soc hich ya x'ahnic loq'uel ta syac te pucuj te banti chucbilic yu'un ya spasic te bin ya sc'an yo'tan stuquel.

2 Crónicas 33:9

Te Manasés la yac' howiyuc te Judá soc te mach'atic nahinemic ta Jerusalén ta spasel bintic chopol c'ax hich a te bin ut'il te yantic nacionetic te jinotic yu'un Jehová ta stojol te snich'nab Israel.

1 Reyes 14:16

Ya me yihquitay hilel Israel ta scaj smul te Jeroboam, te la sta smul soc te la ya'be sta smul te Israel, xchi.

1 Samuel 18:21

Hich la yal ta yo'tan te Saúl: Ya ca'be yic', pero ha syacojibal ya xc'oht, yu'un ha ya x'och ta sc'ab te filisteohetic, xchi. Ha yu'un te Saúl la yalbe te David scuenta schebal buelta: Jni'al me ya xc'ohat yo'tic, xchi.

Éxodo 10:7

Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Deuteronomio 20:18

scuenta yu'un ma ba ya ya'beyex anopic spasel te bintic ilobtic sba spasojiquix ta stojol te diosetic yu'unic, te hich yac ata amulic a ta stojol te Jehová te Dios awu'unique.

Josué 10:40

Hich te Josué la stsal spisil te q'uinal, ha te witsiltic, te Neguev, te spamlejetic soc te mohel q'uinal, soc spisil te ajwaliletic yu'unic, mayuc bin cuxul hil. Jc'axel la slajin spisil te bintic cuxulic, hich te bin ut'il pasbot ta mandar yu'un Jehová te Dios yu'un Israel.

Jueces 2:2

te ha'exe ma me xachap ac'opic soc te mach'atic nahinemic ta q'uinal ini, ya me ajimbeyic te scajtajib ta chiq'uel mahtaniletic yu'unic, xchihon. Pero ma ba la awa'iybonic te jc'ope. ¿Bin yu'un hich la apasic?