Éxodo 23:31 - Bible in Tzeltal Bachajón

³¹ Ha sti'il aq'uinal ya xc'oht cu'un te Mar Rojo c'alal ta mar yu'un filisteohetic, soc ta jochol taquin q'uinal c'alal ta muc'ul-ha' Éufrates, yu'un ya ca'bat ta ac'ab te mach'atic nahinemic tey ta q'uinal, soc ha'at yac atenticlan loq'uel ta atojol.

Bible in Tzeltal de Oxchuc y Tenejapa

³¹ Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

Éxodo 23:31 Referans Kwoze

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Deuteronomio 11:24

Spisil te lugar banti yac ateq'uic, ha awu'unic ya xc'oht; ta jochol taquin q'uinal c'alal ta Líbano, ta muc'ul-ha' Éufrates c'alal ta mar ay ta stojol banti ya xmahl c'ahc'al, ha aq'uinalic ya xc'oht.

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.

Josué 1:4

Awu'unic ya xc'oht te q'uinal c'alal ta jochol taquin q'uinal c'alal ta Líbano ha to ta muc'ul-ha' Éufrates, spisil te sq'uinal heteohetic c'alal ta Muc'ul Mar ta stojol banti ya xmahl c'ahc'al.

Josué 24:18

Soc ha nix hich te Jehová la sloq'uesbotic bahel ta jtojoltic spisil te pueblohetic, soc te amorreohetic te nahinemic ta q'uinal. Ha nix hich ya me cac' jbahtic ta a'batinel yu'un Jehová, como ha Dios cu'untic stuquel, xchihic.

Salmos 72:8

Ya me scuentahin c'alal ta sti'il mar c'alal ta yan sti'il, soc ta muc'ul-ha' c'alal ta sti'il bahlumilal.

1 Reyes 4:24

Como ha scuentahinej te q'uinal ta stojol smahlib c'ahc'al yu'un Éufrates, c'alal Tifsa ha to ta Gaza, spisil te ajwaliletic te ayic ta stojol smahlib c'ahc'al yu'un Éufrates; lamal q'uinal ta sjoyobal.

Jueces 11:21

Pero te Jehová te Dios yu'un Israel la yac' ta sc'ab Israel te Sehón soc spisil te pueblo yu'une, hich la stsalic. Hich te Israel la yu'untayic spisil sq'uinal te amorreohetic te tey nahinemic a.

Jueces 1:4

Baht te Judá, te Jehová la ya'be ta sc'abic te cananeo soc te ferezeo; la smilic jpic soc ho'bahc' (10,000) ta tuhl ta Bezec.

1 Reyes 20:13

Ta hich ora tal jtuhl jalwanej ta stojol Acab ajwalil yu'un Israel, hich la yal: Hich ya yal te Jehová: ¿Awiloj bal te c'ax bayelic? Ho'on ya ca'bat ta ac'ab yo'tic, scuenta yu'un hich me yac ana' a te ho'on te Jehovahon, xchi.

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

1 Samuel 23:4

Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.

Josué 24:12

La jticon bahel ta nahil awu'unic xuxetic te la stenticlanic loq'uel ta atojolic te cheb ajwaliletic yu'un te amorreohetic; ma ha'uc loq'uic ta scuenta te espada o t'ihmalte' awu'unique.

Josué 24:8

La quiq'uex ochel ta sq'uinal te amorreohetic te nahinemic ta jehch ha' Jordán, te la ya'beyex guerra; pero la jca'beyex ta ac'abic, la awu'untaybeyic sq'uinalic, yu'un la jlajinlan ta atojolic.

Josué 23:14

Te ho'one nopol ya sta yorahil ya xchamon. Na'ahic me ta spisil awo'tanic soc ta spisil ach'uhlelic te ma ba ch'ay ni jp'ahluc c'op yu'un spisil te lequil c'opetic la yalbeyex te Jehová te Dios awu'unique; spisil c'ohtix ta pasel ta acuentahic, mayuc bin ch'ay.

Josué 10:19

Yan te ha'exe ma me xquehchajex, nutsahic bahel te acontrahic, milahic mach'atic patilic, ma xawaq'uic ya x'ochic ta pueblohetic yu'unic; como te Jehová te Dios awu'unic la ya'beyexix ta ac'abic, xchi.

Josué 10:8

Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

Josué 8:18

Ha yu'un te Jehová la yalbe te Josué: Hacha ta stojol Hai te lanza ay ta ac'ab, yu'un ya ca'bat ta ac'ab, xchi. Hich te Josué la shach bahel ta stojol te pueblo te lanza ay ta sc'ab.

Josué 8:7

Hich te ha'exe ya me xhahchex tal ta banti anac'oj abahic, ya me awu'untayic te pueblohe. Te Jehová te Dios awu'unic ya me ya'beyex ta ac'abic.

Deuteronomio 3:2

Pero la yalbon te Jehová: Ma me xaxi', yu'un la jca'batix ta ac'ab soc spisil te pueblo yu'un soc te sq'uinale. Hich me xapasbe te bin ut'il la apasbe te Sehón te amorreo ajwalil te nahinem ta Hesbón, xchi.

Números 21:34

Ha yu'un te Jehová la yalbe te Moisés: Ma xaxi', como la jca'batix ta ac'ab soc spisil te pueblo yu'un soc te sq'uinale. Hich yac apasbe te bin ut'il la apasbe te Sehón te ajwalil yu'un amorreohetic te nahinem ta Hesbón, xchi.

Deuteronomio 1:7

Bahanic ta witsiltic yu'un te amorreohetic soc spisil te q'uinaletic ta sjoyobal, ta Arabá, ta witsiltic, ta spamlejetic, ta Neguev, ta sti'il mar, ta sq'uinal te cananeohetic soc ta Líbano, c'alal ta muc'ul-ha' Éufrates.

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Deuteronomio 2:33

Pero te Jehová te Dios cu'untic la ya'botic ta jc'abtic, la jtsaltic te Sehón, te snich'nab soc spisil te pueblo yu'une.

Deuteronomio 2:36

Mayuc junuc pueblo col cu'untic c'alal ta Aroer, te nopol ay ta sjuclej Arnón, soc te pueblo ay ta sti'il te muc'ul-ha', c'alal ta Galaad, spisil la ya'botic ta jc'abtic te Jehová te Dios cu'untic.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Deuteronomio 20:16

Yan te pueblohetic yu'un te nacionetic te li' ayic te ya ya'bat awich' te Jehová te Dios awu'un, ma me ayuc mach'a cuxul ya xhil awu'un,

Josué 24:11

Sohlex bahel ta muc'ul-ha' Jordán, c'ohex ta Jericó. Te mach'atic nahinemic ta Jericó la ya'beyex guerra, soc nix te amorreo, ferezeo, cananeo, heteo, gergeseo, heveo soc te jebuseo; ho'on la jca'beyex ta ac'abic spisilic.

1 Reyes 8:65

Ta hich ora te Salomón la spas q'uin soc spisil Israel, mero bayel talemic c'alal ta yochibal Hamat ha to ta uc'um yu'un Egipto, la spasic q'uin ta stojol Jehová te Dios cu'untic scuenta huqueb c'ahc'al, soc huqueb xan c'ahc'al, ha chanlajuneb (14) c'ahc'al te q'uine.

1 Reyes 11:2

ha te hich halbot sc'oblalic yu'un Jehová te snich'nab Israel: Ma me xawic' abahic soc, como ya me yaq'uic te ya xhahch ach'uhuntayic te diosetic yu'unic, te xchihe. Pero te Salomón ha c'ux la ya'iy ta yo'tan.

Números 34:2

Halbeya te snich'nab Israel: C'alal ochemexix bahel a ta sq'uinal Canaán, ha te q'uinal te yac awich'ic a'beyel, ha me smojonil ini:

Deuteronomio 6:19

soc scuenta yu'un ya sten loq'uel acontrahic ta atojolic, hich te bin ut'il la yal te Jehová.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Josué 9:7

Te winiquetic yu'un Israel la sjac'beyic te heveohetic: Repente nahinemex ta cohlilcotic; ¿bin ut'il ya xhu' ya jchap jc'optic? xchihic.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

2 Crónicas 9:26

Soc scuentahinej spisil te ajwaliletic c'alal ta muc'ul-ha' Éufrates, c'alal ta sq'uinal te filisteohetic, ha to ta mojon yu'un Egipto.