Éxodo 23:26 - Bible in Tzeltal Bachajón

²⁶ soc ta aq'uinal mayuc ants te tojol nax ya xc'ax yal soc mayuc mach'a ma ba ya x'alaj. Ya cac' te ya sts'acay te jayeb c'ahc'al ya xcuxajat.

Bible in Tzeltal de Oxchuc y Tenejapa

²⁶ Ma xcac' xlajat ta ora, ja' to me te c'alal ya sta sc'aalelal te aworaile. Ma me ayuc ants ta alumal te jich nax ya xc'ax te yale. Soc ma me ayuc jtuluc ants te ma x'alaje.

Éxodo 23:26 Referans Kwoze

Deuteronomio 7:14

C'ax hich bendición yac awich' a te bin ut'il spisil te yantic pueblohetic; mayuc jtuhluc winic ta awohlil te ma xnich'naj soc mayuc jtuhluc ants te ma x'alaj, ha nix hich te chambahlametic awu'unique.

Job 5:26

Mamalatix soc ay awip a ya xbahat ta muquenal, hich te bin ut'il tombil trigo te ya xtsobot ta yorahil.

Deuteronomio 28:4

Bayel me yutsil sc'oblal awal-anich'nab, te sit ats'unub-awawal, te yalatac chambahlametic awu'un, te yalatac awacax, tuminchijetic soc tentsunetic awu'un.

Job 21:10

Spisil ora ya xnich'naj te torohetic yu'unic, ya xtohc yal te wacaxetic yu'unic, mayuc ya xc'ax yalic.

Isaías 65:20

Ma me ayuquix alal te jun cheb nax c'ahc'al ya xcuxaj, soc ma me ayuquix mamal te ma ba ya sts'acay yorahil; como ya xcuyot ta alal to teme ya xcham ta ho'winic (100) ya'bilal, soc te mach'a ma sta ho'winic (100) ya'bilal ya xcuyot ta ma lecuc sc'oblal.

Salmos 144:13

te snahul jwe'eltic nojeluc ta spisil ta chahp we'eliletic; te tuminchijetic cu'untic ac'a p'ohluc bayel ta mil, bayel ta mil ta mil ta aquiltic cu'untic;

Salmos 107:38

Dios ya ya'be bendición, c'ax bayel ya xp'ohlic, soc ma ba ya yac' te ya xpehc'aj te wacaxetic yu'unique.

Génesis 35:29

Hich quehchaj yich'bel ic' te Isaac, cham, la sjoquin ta muquenal te sme'stat, mamalix, bayel c'ahc'al cuxaj. Mucot yu'un Esaú soc Jacob te snich'nabe.

1 Crónicas 23:1

C'alal mamalix a te David, la yotses ta ajwalil yu'un Israel te Salomón te snich'ane.

Génesis 25:8

Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Job 42:17

Mero mamalix a te cham te Job.

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

Salmos 90:10

Lajuneb schanwinic (70) ha'bil te ca'bilalcotic; teme ay yip, ya sta chanwinic (80) ha'bil; pero ta spisil ha nax ay wocol soc a'tel, como ora ya xc'axic, hich ya xwihlotcotic bahel.

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Oseas 9:14

Jehová, a'beya te bin ya sc'an yac awa'be; a'beya sch'uhtic te ya sc'ases yalic, soc a'beya xtaquij schu'ic.