Éxodo 23:24 - Bible in Tzeltal Bachajón

²⁴ Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Bible in Tzeltal de Oxchuc y Tenejapa

²⁴ Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Éxodo 23:24 Referans Kwoze

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Números 33:52

ya me atenic loq'uel ta atojolic spisil te mach'atic nahinemic tey ta q'uinal. Jinticlanahic spisil te yahcananic pasbilic ta ton soc te loc'ombahetic pasbilic ta uhltesbil taq'uin, soc jinticlanahic spisil te toyol awilaletic yu'unique.

Deuteronomio 12:3

Ya me ajimbeyic te scajtajib ta chiq'uel mahtaniletic yu'unic, ya me awuyticlambeyic te tehc'ambil tonetic yu'unic, ya me achiq'uic ta c'ahc' te sloc'omba Asera yu'unic, ya me awuyticlambeyic te sloc'ombahil te diosetic yu'unic, jc'axel me xatup'beyic sbihilic tey ta lugar.

Deuteronomio 7:5

Pero hich ya sc'an yac apasbeyic: ya me ajinticlambeyic te scajtajib ta chiq'uel mahtanil yu'unic, ya me awuyticlambeyic te yahcananic, ya me ats'eticlambeyic te sloc'ombahil Asera soc ya me achic'ticlambeyic ta c'ahc' te loc'ombahetic yu'unique.

2 Crónicas 33:9

Te Manasés la yac' howiyuc te Judá soc te mach'atic nahinemic ta Jerusalén ta spasel bintic chopol c'ax hich a te bin ut'il te yantic nacionetic te jinotic yu'un Jehová ta stojol te snich'nab Israel.

Levítico 18:3

Ma me hichuc xapasic te bin ya spasic ta sq'uinal Egipto te banti nahinex; soc ma hichuc xapasic te bin ya spasic ta sq'uinal Canaán te banti ya quiq'uex bahel, ma me xat'umbeyic te bin ya spasique.

Éxodo 32:20

Soc la stsac te jcolel toro te spasojic, la schic' ta c'ahc', la sjuch' ha to c'alal ts'ubiltic c'oht, la sbuhquiy bahel ta ha' soc la yac'ticlambe yuch'ic te snich'nab Israel.

Ezequiel 16:47

Ma ha'uc nax at'unoj te behetic yu'unic soc apasoj te bintic ilobtic sba yu'unic, ma tic'uc la awa'iy a, ora nax c'ax hich chopol la apas a te bin ut'il la spas stuquelic.

Salmos 101:3

Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

2 Crónicas 33:2

Pero chopol bin la spas ta stojol Jehová, hich te bin ut'il te bintic ilobtic sba la spasic te nacionetic loq'uesotic yu'un Jehová ta stojol te snich'nab Israel.

Éxodo 23:13

Ich'a ta cuenta spisil te bintic la jcalbeyexe. Ma me xawalbeyic sbihil yantic diosetic, ma me xloc' ta awe'ic.

Éxodo 23:32

Ma xachap ac'opic soc, o soc te diosetic yu'unique.

Éxodo 23:33

Ma xawac' nahinicuc ta aq'uinal, teme repente ya ya'bat ale amul ta jtojol ta sch'uhunel te diosetic yu'unic, te ha ayacolic ya xc'oht, xchi te Jehová.

Levítico 26:1

Ma me xapas loc'ombahetic o bin loc'taylambil, ma me xatehc'an ch'ultesbil ton, soc ma me xawac' ta aq'uinalic chahpambil ton yu'un yac aquejan abahic ta stojol; como ho'on, Jehovahon, te Dioson awu'unique.

2 Reyes 3:2

Chopol bin la spas ta stojol Jehová, pero ma hichuc te bin ut'il te sme'stat, como la sloq'ues te ch'ultesbil ton yu'un Baal te la spas te state.

2 Reyes 18:4

La sloq'ueslan te toyol awilaletic, la swuyticlan te ch'ultesbil tonetic, la sts'eticlan te sloc'omba Asera, soc la slajin te sloc'omba chan pasbil ta bronce te spasoj te Moisés, como ta hich ora te snich'nab Israel yac schic'belic pom ta stojol; a'bot sbihilin Nehustán te chane.

Éxodo 20:3

Ma me ayuc yantic diosetic awu'un ta jtojol.

Números 25:2

te ha ic'otic bahel yu'unic ta banti ya yich' a'beyel milbil smahtan te diosetic yu'unique. We'ic te israeletic soc la squejan sbahic ta stojol te diosetic yu'unique.

2 Reyes 17:8

soc la st'umbeyic te costumbrehetic yu'un te nacionetic te ch'ojotic loq'uel yu'un Jehová ta stojol te snich'nab Israel, soc te costumbrehetic te hahch spasic te ajwaliletic yu'un Israel.

2 Reyes 17:11

la schiq'uic pom ta spisil te toyol awilaletic hich te bin ut'il la spasic te nacionetic te ch'ojotic loq'uel yu'un Jehová ta stojolic. C'ax chopol bintic la spasic te la shachbeyic yilimba a te Jehová.

2 Crónicas 14:2

Te Asa lec soc toj bin la spas ta stojol Jehová te Dios yu'une.

2 Crónicas 25:14

Te c'alal suht tal te Amasías ta smilel te edometic, la yich'be tal te diosetic yu'un te sts'umbal Seir, ha diosetic yu'un c'ohtic, la sch'uhuntay soc la schic'be pom.

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.