Éxodo 23:21 - Bible in Tzeltal Bachajón

²¹ Ich'a ta cuenta soc a'iybeya te sc'ope; ma me xatoy aba ta stojol, yu'un ma ba ya spasbeyex perdón yu'un atoybahilic, como yich'oj te jbihile.

Bible in Tzeltal de Oxchuc y Tenejapa

²¹ Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Éxodo 23:21 Referans Kwoze

Salmos 78:56

Pero la stsajic soc la shachbeyic yo'tan te Dios te mero toyol ay, ma ba la sch'uhumbeyic spasel te mandariletic yu'une.

Salmos 78:40

¡C'ax bayel buelta la stoy sbahic ta stojol ta jochol taquin q'uinal, la ya'beyic smel yo'tan ta jochol q'uinal!

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

San Juan 10:38

Yan teme yacon ta spasel, aunque ma ba yac ach'uhunonic, ch'uhunahic te a'teliletic, scuenta yu'un hich yac ana'ic soc hich yac ach'uhunic a te ay ta jtojol te Tatil soc te ayon ta stojol te Tatile, xchi.

San Juan 10:30

Jun ayon soc te Jtate, xchi.

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

Éxodo 3:14

Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Deuteronomio 18:19

Pero mach'ayuc a te ma xyich' ta cuenta te jc'op ya yal ta scuenta te jbihile, ya me quich' ta c'op yu'un.

Números 14:11

Te Jehová la yalbe te Moisés: ¿Jayeb xan tiempo te ya spehc'ambon jc'oblal te pueblo ini? ¿Jayeb xan tiempo te ma ba ya sch'uhunonic, aunque bayel ta chahp a'teliletic la jpasix ta yohlilic?

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

Números 14:35

Ho'on, Jehovahon, la jcalix. Hich ya jpasbe spisil te pueblo ini te ma lecuc yo'tanic, te jun yac'oj sbahic ta scontrahimbelonique. Li' ta jochol taquin q'uinal ya me xlajic, tey ya xchamic hilel a, xchi.

Éxodo 32:34

Bahan me hiche, ic'a bahel te pueblo ini ta banti la jcalbat; te ch'ul a'bat cu'un ha ya xnahilij bahel awu'un. Pero te c'alal ya sta yorahil castigo, ya cac'ticlambe castigo yu'un te smulique, xchi.

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Apocalipsis 2:8

Ts'ihbabeya te ch'ul a'bat yu'un te iglesia ta Esmirna: Hich ya yal te Mach'a ha shahchibal soc slajibal, te laj soc te cha'cuxaj tal:

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

Hebreos 3:16

¿Mach'atic a te la ya'iyic soc te la stoy sbahic ta stojol? ¿Ma bal ha'uc spisil te mach'atic ic'otic loq'uel tal ta sq'uinal Egipto yu'un te Moisés?

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Jeremías 23:6

Ya xcol Judá ta sc'ahc'alel soc te Israel jun yo'tan ya x'ayin. Hich ya xc'oht te sbihil te ya x'a'bote: Jehová, te mach'a cu'untic te toj yo'tan, xchi.

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Isaías 45:6

scuenta yu'un ya xna'ot c'alal ta banti ya xloc' tal c'ahc'al c'alal ta smahlib c'ahc'al te mayuc yan Dios, ho'on jtuquel. Ho'on Jehovahon, mayuc yan ay ta jtojol.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Salmos 83:18

Ac'a sna'ic te ha Jehová te abihile, te ha'at atuquel te Mach'a toyol ayat ta stojol spahmal te q'uinale.

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

Jueces 13:18

La sjac' te ch'ul a'bat: ¿Bin yu'un yac ajoc'obon jbihil, te ha bihilil te c'ax t'ujbil? xchi.

Isaías 9:5

Spisil te step slapojic te soldadohetic ta guerra soc spisil sc'u' spaq'uic mulbilic ta ch'ich', ya me yich'ic chiq'uel, ha si' ya xc'ohtic yu'un c'ahc'.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.