Éxodo 23:19 - Bible in Tzeltal Bachajón

¹⁹ Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Bible in Tzeltal de Oxchuc y Tenejapa

¹⁹ “Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Éxodo 23:19 Referans Kwoze

Éxodo 34:26

Te banti mero lec yu'un te sba sit te ya xloc' ta aq'uinal ya me awich' bahel ta sna Jehová te Dios awu'une. Ma me xapay te alal tentsun ta ya'lel schu' te sme'e, xchi te Jehová.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Deuteronomio 26:10

Yo'tic, Jehová, la jquich' tal te sba sit te jts'unub-cawal te loc' tal ta q'uinal la awa'bon, xchihat. Ya me apahchambe ta stojol Jehová te Dios awu'un soc ya me aquejan aba ta stojol.

Nehemías 10:35

Soc ta jujun ha'bil ya quich'tic talel ta sna Jehová te sba sit te awal-ts'unubil soc te sba sit te te'etic.

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Deuteronomio 26:2

ya me awac' ta moch spisil te sba sit ats'unub-awawal te yac aloq'ues tey ta q'uinal ya ya'bat te Jehová te Dios awu'un, ya me xbahat tey ta lugar ya stsa te Jehová te Dios awu'un banti ya yac' te sbihile.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

1 Corintios 15:20

Pero cha'cuxajemix tal Cristo ta yohlil mach'atic chamenic, ha sba sit c'ohem yu'un te mach'atic wayem sbaq'uetalique.

Jeremías 10:3

Como ma xtuhun te stalel te pueblohetic: Ya sts'etic te' ta tohyem te'etic, te mach'a ya sna', ya schahpan ta cincel;

Proverbios 12:10

Te mach'a toj yo'tan ya scanantay te schansbahlam, yan te yo'tan te mach'a chopol, ya x'uts'inwan.

Proverbios 3:9

Ich'a ta muc' Jehová soc te bintic ay awu'un soc te sba sit spisil ats'unub awawal;

Éxodo 22:28

Ma me xabohlc'optay te Dios soc ma me xabohlobtesbe sc'oblal te príncipal yu'un te alumale.

Números 15:21

Ta cajalcaj ats'umbal bahel ya me awa'beyic smahtanin Jehová te shahchibal te harina awu'unique.

Nehemías 10:36

Ha nix hich ya quic'tic tal te ba-alaletic cu'untic, te sba-yal te chambahlametic cu'untic, hich te bin ut'il ts'ihbabil ta Ley, soc ya quic'tic tal te sba-yal wacax soc tuminchij cu'untic ta sna te Dios cu'untic ta stojol te sacerdotehetic te ayic ta a'tel ta sna te Dios cu'untique.

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Ezequiel 48:13

Ta sti'il te sq'uinal te sacerdotehetic ay te sq'uinal te levitahetic ha oxpic soc lajunwinic yoxbahc' (25,000) xuhc'ubil sjamalil soc jpic soc ho'bahc' (10,000) xuhc'ubil sjamalil. Spisil te snahtil ha oxpic soc lajunwinic yoxbahc' (25,000) xuhc'ubil soc te sjamalil ha jpic soc ho'bahc' (10,000) xuhc'ubil.

Ezequiel 48:14

Ma ba ya schonic soc ma ba ya sjelic, ma ba ya xc'ax ta stojol te tsahbil q'uinal ini, como ch'ultesbil yu'un te Jehová.