Éxodo 22:31 - Bible in Tzeltal Bachajón

³¹ Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

Bible in Tzeltal de Oxchuc y Tenejapa

³¹ “Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

Éxodo 22:31 Referans Kwoze

Ezequiel 4:14

Hich la jcal: ¡Ay, Cajwal Jehová! ma ba bohloben sc'oblal te jcuxlejal; ta jqueremil c'alal ora ini mayuc bin ora jwe'oj chamen sbaq'uetal chambahlam o te butsticlambile, mayuc bin ora jwe'oj ti'bal te bohloben sc'oblal, xchihon.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Hechos 15:20

pero ya jts'ihbabetic te manchuc ya yac' sbahic a te bintic bohloben yu'un te loc'ombahetic, ma me xya'iyic antsiwej o ma me xyac' sbahic ta antsinel, ma me swe'ic chambahlametic te ts'otbil nax ta snuc', soc ma me swe'ic ch'ich';

Ezequiel 44:31

Te sacerdotehetic ma me swe'ic mutetic o yantic chambahlametic te hich nax chamenic, o te butsticlambil ta chambahlam.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Levítico 22:8

Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Hechos 10:14

La yal te Pedro: Ma'uc, Cajwal, mayuc jwe'oj te bin ma lecuc sc'oblal o te bohloben sc'oblal, xchi.

Levítico 20:25

Ha yu'un te ha'exe ya me atsahtayic te bin chambahlamil te lec sc'oblal soc te bohloben sc'oblal, soc te mut te bohloben sc'oblal soc te lec sc'oblale. Ma me xabohlobtes ac'oblalic ta scaj chambahlametic, mutetic soc te chambahlametic te staslajan ya xbehenic ta lum, te parte la jcac' te ha bohloben sc'oblalique.

Levítico 7:24

Te sjuhp'el te chamen chambahlam o te ixta'lambil yu'un ti'awal ha'mal chambahlam, ya xhu' ya yich' tuhunel, pero ma xhu' yac awe'ic.

Esdras 9:2

Como yic'beyejic yihnaminic te yantsil-nich'nabic soc hich nix la spasic te snich'nabique. Hich la scap sbahic te ch'ultesbil ts'umbalil soc te ants-winiquetic ta q'uinal. Te mach'atic nahil la spasic te mulil ini, ha'ic te príncipaletic soc te gobernadoretic, xchihic.