Éxodo 22:30 - Bible in Tzeltal Bachajón

³⁰ Ha nix hich yac apas soc awacax soc atuminchij; huqueb c'ahc'al ya sjoquin sme', ta swaxaquebal c'ahc'al ya me awa'bon.

Bible in Tzeltal de Oxchuc y Tenejapa

³⁰ Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.

Éxodo 22:30 Referans Kwoze

Levítico 22:27

Te c'alal ya xtohc jcoht wacax, tuminchij o tentsun, huqueb c'ahc'al ya sjoquin sme', pero ta swaxaquebal c'ahc'al stohquel a, ya xhu' ya yich' aq'uel scuenta chic'bil smahtan Jehová.

Deuteronomio 15:19

Parte me xawac' ta stojol Jehová te Dios awu'un teme squelmal te sba-al wacaxetic, tuminchijetic soc tentsunetic awu'une. Ma me xawac' x'a'tejuc te squelmal sba-al j'a'tel-wacax awu'un soc ma me xaloq'uesbe stsotsel te squelmal sba-al tuminchijetic o tentsunetic awu'un.

Levítico 12:3

Ta swaxaquebal c'ahc'al ya yich' circuncisión te alale.

Éxodo 13:12

ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Génesis 17:12

Ta swaxaquebal c'ahc'al yayinel a ya me yich' circuncisión spisil te alal-queremetic awu'unic ta cajalcaj ats'umbal, ha te mach'a ya x'ayin ta ana soc te jyanlum te mambil awu'un, te ma ats'umbaluc.

Levítico 7:23

Halbeya te snich'nab Israel: Ma me xawe'beyic sjuhp'el wacax, tuminchij o tentsun.

Levítico 7:24

Te sjuhp'el te chamen chambahlam o te ixta'lambil yu'un ti'awal ha'mal chambahlam, ya xhu' ya yich' tuhunel, pero ma xhu' yac awe'ic.

Levítico 7:26

Soc ta bayuc ya xnahinex, ma me xawe'beyic sch'ich'el mutetic o chambahlametic.

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Levítico 11:45

Ho'on Jehovahon te la jloq'uesex tal ta sq'uinal Egipto scuenta yu'un ho'on Dioson ya xc'ohon awu'unic; ha yu'un ch'ultesbiluquex me, como ho'on ch'ul Dioson, xchi.

Levítico 17:15

Mach'ayuc a, teme ha nix slumal o jyanlum, teme ya swe'be sbaq'uetal chamen chambahlam o te ixtalambil yu'un ti'awal chambahlam, ya me sac' sc'u' spac' soc ya me x'atin, bohloben sc'oblal ya xhil c'alal ta yihc'ubel q'uinal; patil lec sc'oblal ya xhil.

Levítico 22:8

Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Ezequiel 4:14

Hich la jcal: ¡Ay, Cajwal Jehová! ma ba bohloben sc'oblal te jcuxlejal; ta jqueremil c'alal ora ini mayuc bin ora jwe'oj chamen sbaq'uetal chambahlam o te butsticlambile, mayuc bin ora jwe'oj ti'bal te bohloben sc'oblal, xchihon.