Éxodo 22:29 - Bible in Tzeltal Bachajón

²⁹ Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Bible in Tzeltal de Oxchuc y Tenejapa

²⁹ “Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 22:29 Referans Kwoze

Éxodo 23:16

Soc ya me apas te Q'uin yu'un C'ajoj, ha te sba sit awa'tel, te bin la ats'un ta aq'uinal. Soc ya me apas te Q'uin yu'un Tsobel ta slajel te ha'bil te c'alal yac atsob te sit awa'tele.

Éxodo 13:2

A'bonic ta jtojol spisil te ba-alal queremetic. Ta yohlil te snich'nab Israel, spisil te ba-alal queremetic ho'on cu'un, ha nix hich te sba-quelmal chambahlametic, xchi.

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Romanos 8:23

Ma stuqueluc nax, ha nix hichotic te quich'ojtic te sba sit yu'un te Espíritu, ha nix hich yacotic ta ahcan ta co'tantic te c'alal yacotic ta smahliyel te iq'uel ta al-nich'an yu'un Dios, ha te colel yu'un te jbaq'uetaltic,

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Éxodo 34:19

Spisil te ba-alal ya x'ayin, ho'on cu'un, soc spisil te sba-quelmal awacax o atuminchij.

Éxodo 13:12

ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Ezequiel 20:40

Pero ta ch'ul wits cu'un, ta toyol wits yu'un Israel, xchi te Jehová, te Ajwalil, tey me ya yac' sbahic ta a'batinel cu'un te sna Israel, spisil te mach'atic ayic ta q'uinal; tey lec ya xc'ohtic ta jtojol a, soc tey ya jc'ambeyex a te mahtaniletic soc te sba sit te mahtaniletic awu'unic, soc spisil te bintic ch'ultesbil awu'unique.

2 Crónicas 31:5

C'alal puhc bahel te mandar ini, te snich'nab Israel la yaq'uic bayel sba sit trigo, vino, aceite, chab, soc spisil te sit awal-ts'unubiletic. Soc bayel la yich'ic tal te jun ta slajunebal ta spisil bintic ay yu'unique.

2 Reyes 4:42

Patil tal jtuhl winic te talem ta Baal-salisa. Yich'beyej talel te winic yu'un Dios jtahb (20) ta pehch pan yu'un sba sit cebada, soc yach'il trigo. La yal te Eliseo: A'beya swe'ic, xchi.

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 34:20

Yan te sba-quelmal burro ya me ajeltay ta jcoht tut tuminchij; teme ma ba yac ajeltay, ya me awac'be snuc'. Ya me ajeltay spisil te aba-nich'anique. Soc ma me ayuc mach'a ya xtal ta jtojol te mayuc bin yich'oj ta sc'ab.

Números 18:13

Spisil sba sit ts'unub-awalil ya xloc' ta sq'uinalic te ya yich'ic tal ta stojol Jehová, ha'at me awu'un. Spisil mach'atic lec sc'oblalic ay ta ana ya xhu' ya swe'ic.

Levítico 22:27

Te c'alal ya xtohc jcoht wacax, tuminchij o tentsun, huqueb c'ahc'al ya sjoquin sme', pero ta swaxaquebal c'ahc'al stohquel a, ya xhu' ya yich' aq'uel scuenta chic'bil smahtan Jehová.

Deuteronomio 15:19

Parte me xawac' ta stojol Jehová te Dios awu'un teme squelmal te sba-al wacaxetic, tuminchijetic soc tentsunetic awu'une. Ma me xawac' x'a'tejuc te squelmal sba-al j'a'tel-wacax awu'un soc ma me xaloq'uesbe stsotsel te squelmal sba-al tuminchijetic o tentsunetic awu'un.