Éxodo 22:25 - Bible in Tzeltal Bachajón

²⁵ Teme yac awa'be smajan ataq'uin jtuhl te ay ta yohlil te pueblo cu'un, ha te pobre sjoquinejat, ma me hichucat te bin ut'il mach'a ya sc'an sjol staq'uin, ma me xac'ambe sjol.

Bible in Tzeltal de Oxchuc y Tenejapa

²⁵ “Teme ya awac'bey smajanbat ataq'uin jtul te ma'yuc bila ay yu'un te banti ay te lum cu'une, ma me jichucat te bit'il mach'a ya sc'anbey sjol, ma me xawac' te ya yac'bey sjol te ataq'uine.

Éxodo 22:25 Referans Kwoze

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.

Ezequiel 18:8

ma ba ya sc'ambe sjol te staq'uin te ya yac' ta majanel; ya scom sba ta spasel bin chopol, soc stojil ya schahpan te mach'atic ya stsal sbahic;

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Nehemías 5:7

Ha yu'un la jnop ta lec, la jtijticlan ta c'op te mach'atic ich'bilic ta muc' soc te mach'atic ay ya'telic, hich la jcalbe: ¡Yaquex ta sc'ambeyel sjol te bintic smajanejic te awermanotac! xchihon. Soc la jquic'ticlan ta muc'ul tsoblej yu'un ya jchahpan te c'ope,

Ezequiel 18:17

ma ba ya yac' sc'ab ta stojol te pobre, ma ba ya sc'ambe sjol te staq'uin te ya yac' ta majanel, ya sch'uhun spasel te halbil mandariletic cu'un soc ya st'un te leyetic cu'une, te winic ini ma ba ya xcham yu'un te smul te stat, cuxul me ya xhil.

Ezequiel 18:13

ya sc'ambe sjol te staq'uin ya yac' ta majanel; ¿ya bal xcuxaj te winic ini? ¡Ma ba ya xcuxaj! La spasticlan spisil te bintic ilobtic sba ini, ya me xcham; ha nix ta scuenta ya xc'oht te sch'ich'ele.

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

2 Reyes 4:7

Hich te ants baht yalbe te winic yu'un Dios bin c'oht ta pasel, hich halbot yu'un: Bahan, chona te aceite, toja a te abete. Te jayeb xan ya xhil, ha ya xcuxajat a soc te awalatac, xchi sc'oblal.

2 Reyes 4:1

Ay jtuhl me'ba' ants te ha yihnam jtuhl winic yu'un te jchahp jalwanejetic, hich la yalbe wocol te Eliseo: Te a'bat awu'un, ha te jmamalal, chamix; ana'oj te xi'oj te Jehová. Yo'tic talix te jc'an-betil yu'un ya yic'bon bahel smosohin te cheb calatac, xchi.

San Lucas 19:23

¿bin yu'un ma ba la awotsesbon ta banco te jtaq'uin scuenta yu'un te c'alal suhton tal ts'acal la jquich' soc sjol? xchi.

San Mateo 25:27

te lajuc awa'be te jtaq'uin te mach'atic ya x'a'tejic ta banco, scuenta yu'un te c'alal talon, ts'acal la jquich' soc sjol te jtaq'uin te hichuque.

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Deuteronomio 15:7

Teme ay pobre ta yohlil te awermanotac ta jpahm pueblo awu'un ta q'uinal te ya ya'bat te Jehová te Dios awu'un, ma me xtulanij awo'tan soc ma me xanop' ta tulan ac'ab ta stojol te awermano te pobre ay,

Deuteronomio 24:13

Ya me asutbe c'alal ya xmahl te c'ahc'ale, scuenta yu'un ya xhu' ya xway soc te sc'u' soc ya ya'bat bendición. Ha stojil ta pasel ta stojol te Jehová te Dios awu'une.

Ezequiel 18:7

te mayuc mach'a ya x'uts'inwan, ya sutbe te bin yich'beyej; ma ba ya ya'iy elec', ya ya'be swe'el te mach'a ay swi'nal soc ya ya'be sc'u' te mach'a mayuc sc'u';

Amós 2:8

Ta sts'ehl biluc scajtajib ta chiq'uel mahtanil ya smehtsan sbahic ta c'u'ul te yich'ojic scuenta prenda, soc ta sna te diosetic yu'un ya yuch'ic vino te mambil tal ta multa te ma stojiluc ta pasele.