Éxodo 22:24 - Bible in Tzeltal Bachajón

²⁴ ya me xtihl te quilimba, ya jmilex ta espada soc ya xhil ta me'ba' te awihnamic soc anich'nabique.

Bible in Tzeltal de Oxchuc y Tenejapa

²⁴ Ja' yu'un ta swenta yip te quilimba, ya me jmilex ta puñal. Jich nix me ya xjilic ta me'ba ants te awinamic soc ta me'ba alaletic te anich'nabique.

Éxodo 22:24 Referans Kwoze

Salmos 109:9

Ac'a hiluc ta me'ba' te snich'nab soc hiluc ta me'ba' ants te yihname.

Jeremías 15:8

C'ax hich me'ba' antsetic yu'unic a te bin ut'il shi'al mar. Ta ohlil c'ahc'al la jquic' tal jinawal ta stojol te naniletic yu'un te queremetic; ora nax la jcac' tal wocol soc tulan xiwel ta stojolic.

Lamentaciones 5:3

Me'ba'otcotic, mayuc jtatcotic; te jnancotic hich c'ohtic te bin ut'il me'ba' ants.

Salmos 69:24

Mala awilimba ta stojolic; ac'a tahotuc yu'un te yip sc'ahc'al awo'tan.

Hebreos 10:31

¡Xiweltic sba teme ay mach'a ya x'ipaj ta sc'ab te cuxul Diose!

San Lucas 6:38

A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Salmos 90:11

¿Mach'a ya sna'be sba te yip te awilimba? Hich smuc'ul awilimba te bin ut'il ya sc'an yac awich' xi'ele.

Salmos 76:7

¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

Job 31:23

Como la jxi' te castigo yu'un Dios, mayuc binti ya xhu' cu'un spasel ta stojol te yutsil yu'ele.

Salmos 109:2

como te mach'atic chopol bin ya yalic soc te ya xlo'loywanic la sjam yehic yu'un scontrahimbelonic; la yalbonic jc'oblal ta lot.

Levítico 25:35

Teme ay ya x'och ta pobrehil jtuhl alumal, teme ya xtal ta atojol, ya me acoltay; ha ya sjoquinat ta nahinel hich te bin ut'il jbehyomal o jyanlum.

Levítico 25:36

Ma xac'ambe sjol te ataq'uin soc ma xapas ganar ta scuenta, ya me axi' te Dios awu'un, scuenta yu'un ya xhil ta nahinel ta awohlil te awermanohe.

Deuteronomio 23:20

Yan te jyanlum ya xhu' yac ac'ambe sjol stuquel, pero te awermano ma xhu' yac ac'ambe, scuenta yu'un hich ya ya'bat bendición a te Jehová te Dios awu'un ta spisil bintic yac apas tey ta q'uinal banti yac awu'untay.

Deuteronomio 23:21

Te c'alal yac achap ac'op ta stojol Jehová te Dios awu'un, ma me xhalajat ta stojel; como ya me sc'ambat te Jehová te Dios awu'un, ha amul ya xc'oht teme ma ba yac awaq'ue.

Nehemías 5:7

Ha yu'un la jnop ta lec, la jtijticlan ta c'op te mach'atic ich'bilic ta muc' soc te mach'atic ay ya'telic, hich la jcalbe: ¡Yaquex ta sc'ambeyel sjol te bintic smajanejic te awermanotac! xchihon. Soc la jquic'ticlan ta muc'ul tsoblej yu'un ya jchahpan te c'ope,

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.