Éxodo 22:22 - Bible in Tzeltal Bachajón

²² Ma me xawuts'inic me'ba' ants o me'ba' alal.

Bible in Tzeltal de Oxchuc y Tenejapa

²² “Ma me xawuts'inic te me'ba antsetic soc te me'ba alaletique.

Éxodo 22:22 Referans Kwoze

Isaías 1:17

nopahic spasel te bin lec, lehahic te bin stojil ta pasel, coltayahic te mach'a ay ta tulan uts'inel, toj me xachahpanic te me'ba' alaletic, c'opojanic yu'un te me'ba' antsetique.

Deuteronomio 24:17

Ma me xayanijtes bin stojil ta pasel ta stojol te jyanlum o te me'ba' alaletic, soc ma me xawich'be hilel sc'u'-spac' te me'ba' antse;

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Zacarías 7:10

ma me xawa'be swocol ta uts'inel te me'ba' ants, te me'ba' alal, te jyanlum o te pobre, soc ma me ayuc mach'a chopol bin ya snop ta yo'tan ta stojol te yermanohe, xchi.

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Isaías 10:2

te mayuc ta cuenta yu'unic te stojil chahpanel te pobrehetic, te ma stojiluc ya schahpanic te pueblo cu'un te ay ta uts'inel, te ya spojbeyic bintic ay yu'un te me'ba' antsetic soc ya yelc'anic te me'ba' alaletique.

Deuteronomio 27:19

Chopol sc'oblal te mach'a ya sjimbe te bin stojil ay ta pasel ta stojol jyanlum, me'ba' alal o me'ba' ants, xchihic. Hichuc, xchihic me spisil te pueblo.

Deuteronomio 10:18

ya spas bin stojil ta stojol te me'ba' alal soc te me'ba' ants; soc ha nix c'ux ta yo'tan te jyanlum, ya ya'be swe'el soc sc'u' spac'.

Deuteronomio 24:18

ya me ana' te c'axat ta mosohil ta Egipto, te tey la sloq'uesat tal a te Jehová te Dios awu'une; ha scuentahil te ya jpasat ta mandar te hich yac apas.

Job 31:16

Teme la jcom te bintic la sc'anic te pobrehetic o teme la jlajimbe smuc'ul yo'tan te me'ba' antsetic;

Proverbios 23:10

Ma me xajeltaybe yawil te antiguo mojon, soc ma me xapojbe sq'uinalic te me'ba'etic,

Proverbios 23:11

como ay bayel yu'el te Mach'a ya xc'opoj yu'unic; ya me scontrahinat ta scoltayel te me'ba'etique.

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Jeremías 7:7

ya cac' te ya xnahinex ta q'uinal ini, te q'uinal te la jca'be scuenta sbahtel q'uinal te ame'atatique.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Deuteronomio 15:9

Tsahtaya aba te ma ba ya xtal ta awo'tan te bin chopol, te hich yac awal: Nopolix te shuquebal ha'bil, ha te ya yich' ch'ayel betiletic, teme xchihat, te yan yilel asit ta stojol awermano te pobre ay, te hich mayuc bin yac awa'be. Ya xhu' ya x'awon ta stojol Jehová ta acontra, hich yac ata amul a.

Job 34:28

ha ta scuentahic te awonic ta stojol Dios te pobrehetic, soc te ya ya'iybe yawic te mach'atic ay swocolic.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

Proverbios 22:23

como ya me xcoltayot yu'un te Jehová, ya me sloq'uesbe scuxlejal te mach'a ya yuts'in te pobrehetique.

San Mateo 23:14

¡Ay me awocolic, escribanohetic, fariseohetic, jchebal-o'tanex! como yac awich'beyic sna me'ba' antsetic, soc naht yac atsahtsah-c'oponic Dios. Toyol me castigo yac awich'ic yu'un.